Lukas 14:7 - Hanunuu

⁷ May tinaban waya iba tunda pag Parisiyu tag sa kay balay hampay mangaun. Pagka nakitan ni Hisus kanda pagpiliun ti manga mayad pag tukawan, itinultul niya sa kanda ti usa ka pahalimbawa magkun,

Lukas 14:7 Iomraidhean Croise

Kabagawan 25:7

Mayad nu ti hari ti magsabi pagtukaw kawu siyun kaysa sabihan kawu niya danga siyun, ag mangay-a kawu sa atubangan paggalangun pag manga tawu.

Kabagawan 8:1

Ti kadunungan ag pan-intindi parihu sa tawu magtudlu mayad pag barita.

Isikil 17:2

“Anak tawu, tultulan inda pag pahalimbawa sa nasakupan Israil,

Matiyu 13:34

Inda tanan kay itinudlu ni Hisus sa manga tawu. Tanan-tanan kay tudlu sa kanda pasay pahalimbawa.

Matiyu 23:6

Nu may karan-an kanda gustu makatukaw sa marinu pag tukawan, ag nu sa simbahan kanda gustu tumukaw sa tukawan ihinanda sa may kangaranan.

Lukas 11:43

“Anung kaawaawa kamu pag manga Parisiyu. Dahil kanyu pagkaibgan ti manga marinu gid pag tukawan sa sulud simbahan ag kanyu diman gustu kamu paggalangun manga tawu sa palingki.

Lukas 20:46

“Pag-aman kamu sa manga manugtudlu Kasuguan. Magkaibug sida mamasyar sadsad kay rutay, masulungun sida paggalangun, magpabaya-baya sa manga luwas balay. Nu sa simbahanan manga Hudiyu kanda gustu tumukaw sa tukawan iinalistu sa may kangaranan. Nu may karan-an kanda gustu makatukaw sa marinu pag tukawan.

Pilipus 2:3

Danga makasadili lang kanyu turunu gayak, danga sa ikadayaw lang sa kanyu sadili. Bagkus ngap lubus pagparakumbabaan kamu sa usa kag sa usa, isipa niyu ti manga iba lalu mayad man sa kanyu sadili bilug.

3 Huwan 1:9

Nagsurat yi waydi aku sa iglisya dapat unman aku pinatingihan ni Diyutripis dahil kay gustu siya yi ti kilalan-a niyu pag magpangulu.

Talaghusay 14:12

Magkun si Samsun sa kanda, “May patigmahun aku sa kanyu. Nu mapintuan niyu inda bag-u matapus ti pitu ka sirang karan-an, pakan-an niku kamu 30 ka pisahan linu ag 30 diman ka mahalaga pag rutay.