Lukas 14:3 - Hanunuu

³ Nagpaingana si Hisus sa manga manugtudlu Kasuguan hanggan sa manga Parisiyu magkun, “Angay aw sa Kasuguan aw ngatay unman nu magpaayad sa may manga sakit nu Sirang Pamahari?”

Lukas 14:3 Iomraidhean Croise

Matiyu 12:10

May usa ka tawu ati pilay kay kamang. May manga tawu diman siyun kanda gustu tiidan si Hisus. Nakan pinaingana nida siya magkun, “Angay aw sa Kasuguan ti magpaayad nu Sirang Pamahari?”

Matiyu 12:2

Pagka nakitan manga Parisiyu magkun sida sa kan Hisus, “Bantayi duy nimu ti pagbuwatun nimu manga tuludluan. Bawal tunda sa Sirang Pamahari.”

Matiyu 22:35

Bag-u ti usa ka Parisiyu madunung gid sa Kasuguan ni Muysis namaingana sa kan Hisus hampay subukun siya magkun,

Markus 3:4

Bag-u magkun si Hisus sa manga Parisiyu, “Hintay nguna ti angay sa Kasuguan ni Muysis katpung Sirang Pamahari, ngatay tigbuwat ikaayad sa kaparihu, aw ngatay tigbuwat ikadaut? Ngatay tig bawi buhi tawu, aw ngatay tigpahamak buhi tawu?” Dapat ay sida unman nag-ingay.

Lukas 14:2

May nagluwang tag sa kan Hisus usa ka lalaki magkarabaga kay kamang hanggan kay lulud.

Lukas 14:4

Dapat sida udyi ngap inmingay. Nakan hiniyaptan ni Hisus ti may sakit ag pinaayad niya. Bag-u sinabi ni Hisus sa kanya, “Ta duy, pag-uli yi kawu.”

Lukas 6:9

Bag-u sinabi ni Hisus sa manga tawu magkun, “May paingana aku sa kanyu, hintay nguna ti angay sa Kasuguan sa Sirang Pamahari, ngatay tigbuwat ikaayad sa kaparihu, ngatay tigbuwat ikadaut? Ngatay tig bawi buhi tawu ngatay tigpahamak buhi tawu?”

Huwan 7:23

Nu kanyu pagturiun ti usa ka anak una sa Sirang Pamahari hampay tupadun niyu kan Muysis Kasuguan, bati hayga magkagalit kamu sa kangku dahil lubus pinaayad niku ti usa ka tawu sa Sirang Pamahari?