Lukas 14:27 - Hanunuu

²⁷ Nu ti tawu unman magpas-an kay sadili pag kurus ag kumuyug sa kangku, balaw mahimu tuludluan niku.

Lukas 14:27 Iomraidhean Croise

Matiyu 10:38

Nu ti tawu unman magpas-an kay kurus ag magkuyug sa kangku, unman mahimu siya magpakiusa sa kangku.

Matiyu 13:21

Dapat maaw unman nidna tunda sa kanda tagipusuun, nakan unman sida dinmugay. Pagka rinmas-ug ti manga kakurian, ti manga pag-unuunu dahil sa Bagaw Diyus, bigla lang inmalinlangan.

Markus 10:21

Nagturun si Hisus sa kanya may pagmahal bag-u sinabi niya sa kanya, “Usa waya ka bagay ti kurang sa kanmu. Pag-ati kawu, pabilihan nimu ti tanan nimu kasiyunan. Ayaw-ayawa kay kabilyanan sa manga pugri hampay magkaimaw kawu kayamanan sa langit. Bag-u pagsitay maan kawu pagkuyug sa kangku.”

Markus 15:21

May nasulang sida usa ka tawu ginan sa kay tanman, si Simun taga Sirini, kay ama nida ni Alihanduru ni Rupu. Ipinalugus nida ipinas-an sa kanya kay kurus ni Hisus.

Lukas 14:28

“Nu ti usa sa kanyu may gustu magbuwat balay daka, tumukaw dapu siya isipun niya ngatay kumang-ud kay panggastus hanggan tugka sa mamhan kay balay.

Huwan 19:17

Dinara yi ngani manga sundalu si Hisus. Nagpas-an siya kay kurus sa kay maglakaw atag sa luwas banwa atabug sa rugar kay ngaran Rugar But-ul Ulu Tawu. (Nu sa bagaw Hibriyu tunda pag rugar kay ngaran Gulguta.)

Binwat 14:22

Pinarig-un nida ti manga patar-ari, pinaanyuan danga sida umurung sa kanda pagsarig sa Panginuun. Nanudlu waya sida sa manga patar-ari magkun, “Dayu maamanan nita ti mayamu pag kakurian bag-u kita makapasakup sa kay paghari Diyus aban.”

2 Timutiyu 1:12

Tida ngani kay dahilan nakan aku mag-agwanta inda pag kakurian. Dapat ay una katida unman aku mag-alinlangan. Dahil lubus niku magkakilala kang Panginuun kang pagsarigan. Pihu gid kaya niya maingatan ti kang inintirga sa kanya hanggan sa ud rumas-ug ti kaudasan Panginuun.

2 Timutiyu 3:12

Ti tanan manga may gustu mangugali sakup sa Diyus ag magpakiusa sa kan Kiristu Hisus, pihu makalakaw pag-unuunu.