Lukas 14:23 - Hanunuu

²³ Magkun kay amu sa kay panawuhun, ‘Pag-atag kawu sa manga dalan hanggan sa manga sugkadan balay, pilita gid ti manga tawu pagsaka gid sida hampay mapnu kang balay.

Lukas 14:23 Iomraidhean Croise

Kanta 110:3

Sa sirang manggira kawu sa kanmu manga kalaban, buluntad mangawat sa kanmu ti nasakupan nimu. Kanmu kalay-awan pag manga nasakupan umatag sa kanmu sa banal pag bantud ga tun-ug kada surip.

Kanta 98:3

Balaw niya kinalimtan kay pagmahal ag pagkamatinupadun sa kanta, sa nasakupan Israil. Nakitan tanan tawu sa buu kalibutan nu kabitay kita ipinanalu nita Diyus.

Isayas 11:10

Rumas-ug ti sirang, ianak ti bag-u pag hari ginan sa linahi ni Dabid imaw ti bumaliw pasandam sa manga nasyun hampay tumipun sida. Tumiripun sida sa kanya, bumaliw may kadayawan ti pag-ulian niya pag rugar.

Isayas 27:13

Nu tumunug ti budyung mabisug, magbinalik sa Hirusalim ti magkakurian pag manga Israilita nabihag Asirya ag Ihiptu. Sambahun nida ti Panginuun sa banal pag bantud Hirusalim.

Malakyas 1:11

Sa kay tutuu, pagdayawun manga nasyun kang ngaran, ginan sa butlakan tugka sa isalpan. Una naan pag rugar magtuub ti manga tawu kamangyan ag maghandug malumpiyu pag manga handug sa kangku.

Matiyu 21:43

“Nakan ngani kang pagsabihun sa kanyu, bul-un ginan sa kanyu ti kaharian Diyus bag-u ipakaun sa usa ka nasyun tawu magtupad sa kagustuhan Diyus.

Matiyu 5:41

Nu pagpilitun kawu sundalu kuntay pas-ana yi nimu kay dara tugka sa usa ka kilumitru, pas-ana waya gid nimu tugka ngap duwa ka kilumitru.

Lukas 14:22

Pagka nuli maan ti panawuhun magkun siya, ‘Duy, binwat yi niku kanmu sinabi, dapat may imaw waya rugar.’

Lukas 14:24

Dahil pagsabihun niku sa kanyu, ti tanan tawu kang pinaalaman sa kabag-u unman nagluwang, unman makasamit kang karan-an.’ ”

Lukas 24:29

Dapat ay kanda tinawidan siya magkun, “Pag-igya yi lang kawu sa kanmi, yabi yi duy, mag-agaw yi sirang yabi.” Nagsaka yi ngani si Hisus nanhapit sa kanda.

Binwat 16:15

Napatulbaw siya hanggan kay manga kasunu balay. Pagka itinulbaw siya tinaban niya kami magkun, “Nu sa kanyu magkilala sa kangku aku tutuu nagsarig sa Panginuun, kidayun duy kamu sa kang balay.” Linugus kami tinaban niya nakan kami balaw yi binmugya.

Binwat 18:6

Pagka dugay naglaban yi sida sa kanya naglibak hanggan. Nakan winagwag ni Pablu ti galbuk sa kay rutay kay tanda laban sa kanda magkun, “Kanyu yi sadili kasalanan nu kamu midamhak sa kaparusahan. Unman yi aku may saragtun. Taynguna ginan aku atag yi sa manga balaw Hudiyu.”

Binwat 28:28

Bag-u sinabi waya ni Pablu magkun, “Kailangan pagmaalaman yi gid niyu, duy, inda pag barita ginan sa Diyus tungkul sa karibrihan ipadakit sa manga balaw Hudiyu. Nu bay sida gid pihu mamatingi.”

Binwat 9:15

Magkun maan ti Panginuun sa kan Ananiyas, “Pag-ati duy kawu, dahil pinili ngap niku si Saulu hampay siya sumirbi sa kangku hampay ipakilala niya kang makamaskihan pag ngaran sa manga balaw Hudiyu, sa manga hari hanggan sa nasyun Israil.

Ruma 10:18

Dapat kang paingana, unman aw nguna sida nakadnug? Nakadnug yi waydi sida. Dahil magkun sa Banal Kasuratan, “Ras-ug yi sa tanan rugar kanda bagaw, kanda bagaw nilantag yi sa kalibutan.”

2 Kurintu 5:11

Alam diman nimi madala sa Panginuun ti tawu nu may kasalanan, nakan pagsikapun nimi giyahun ti manga tawu tag sa Panginuun. Unman may pag-itagu kami sa atubangan Diyus. Magsarig aku kuntay sa kanyu pagkilala sa kanmi, kami unman may pag-itagu sa kanyu.

2 Kurintu 5:20

Nakan ngani kami kay manga sinugu ni Kiristu. Bilang ti Diyus diman gid tigpaanyu sa kanyu ginan diman sa kanmi magkun, “Sa ngaran ni Kiristu kanmi pagpaanyuan kamu pagmipausa kamu sa Diyus.”

2 Kurintu 6:1

Kami manga kaawat Diyus sa buruwatun. Nakan pagpakapaanyuan nimi kamu danga pagpasipalahan ti manga kaayadan kay ipinakaun Diyus sa kanyu.

Kulusas 1:23

Kailangan kamu pagmarig-un gid sa kanyu pagsarig sa Mayad pag Barita, danga pagpabay-ani niyu, barang maanggihut kamu ginan sa pag-asa kanyu tinanggap pagka nadnugan niyu ti Mayad pag Barita. Kay nagustuhan Diyus aku si Pablu hampay magsirbi sa Mayad pag Barita. Imaw diman pag Mayad pag Barita ti ipagpaliwanag sa tanan manga tawu.

Kulusas 1:28

Nakan ngani pag-itudlu nimi si Kiristu sa tanan tawu. Pagpaala-lahanan nimi sida, malinaw gid kanmi pagtudluan sida angay sa kanmi makakaya hampay mipaatubang nimi sa Diyus ti kada usa kang-ud ag unman may ikasabi dahil sa kanda magpakiusa sa kan Kiristu.

2 Timutiyu 4:2

Ti kang patigayun sa kanmu duy itudlu nimu ti Bagaw Diyus, una sa hintay pag udas. Danga magpasnu sa manga tawu nu salan, tamyawa. Parig-una nimu ti nalub-anan manga tawu. Pagmaalumanay kawu pirmi, danga gid pag-apasi sa tudlu.