Lukas 14:11 - Hanunuu

¹¹ Dahil ti kada magpalabaw-labaw ipaababa ag ti mapinakumbabaun ipaabwat.”

Lukas 14:11 Iomraidhean Croise

2 Samwil 22:28

Hu, pag-iribri nimu ti manga mapinakumbabaun, dapat pag-ipaababa nimu ti manga marapadayaw-dayaw.

Istir 6:10

Magkun ti hari sa kan Haman, “Malu, ipab-ul nimu ti usa sa manga rutay hanggan kabayu niku, bag-u buwata nimu sa kan Murdukyu usa ka Hudiyu ti tanan nimu sinabi, ti matukawan sa sabian niku balay hari. Pihua gid matupad nimu ti tanan nimu sinabi.”

Hub 22:29

Nu may imaw tawu magpanlumuy, ag nu idarangin nimu siya sa Diyus kuntay pabisuga siya, awatan niya tunda pag tawu.

Kanta 138:6

Panginuun, una labaw kawu sa tanan, magpasunaid kawu sa manga makuri kay kahamtangan; dapat magpakarayu kawu sa manga tawu marapadayaw-dayaw.

Kanta 18:27

Hu, pag-iribri nimu ti manga mapinakumbabaun, dapat pag-ipaababa nimu ti manga marapadayaw-dayaw.

Kabagawan 15:33

Ti paggalang sa Panginuun ikadunung gid tawu, ag ti pagpakumbaba makapakaun kadayawan.

Kabagawan 18:12

Ti pagpadayaw-dayaw makapadamhak, dapat ti pagpakumbaba makaparangal.

Kabagawan 25:27

Balaw mayad ti subra magkaun sa daykut, katunda diman ti maghingbut dayawun lang kawu pirmi manga tawu.

Kabagawan 29:23

Ti kayabangan tawu makapakaun sa kanya kakay-ahan, dapat ti pagpakumbaba tawu makapakaun sa kanya kadayawan.

Isayas 2:11

Rumas-ug ti sirang ti Panginuun lang ti dayawun. Ipaababa niya ti palabi-labihun hanggan ti marapadayaw.

Isayas 2:17

Ipakababa ngani niya ti manga marapayabang hanggan ti marapadayaw. Ti Panginuun lang ti maipaabwat sa ati pag sirang.

Isayas 57:15

Inda waya ti pagsabihun Kaabwat-abwatan pag Diyus, ti Banal pag Diyus buhi hanggan aban: “Mag-uli aku sa abwat ag banal pag rugar, dapat mag-uli diman aku kaibahan manga tawu mapinakumbabaun ag mapinatawadun, hampay sida kang pabisugun.

Matiyu 23:12

Una si unu nu magpalabaw-labaw ipaababa ngap Diyus, dapat ay tigpakumbaba imaw ngap ti pahalgaan Diyus.”

Lukas 1:51

Ipinakakit niya kay kabisugan ag kamaskihan. Kinalat-kalat niya ti manga palabi-labihun.

Lukas 1:52

Kay binahasan katungkulan ti manga hari, Ag itinaas ti manga unman may kangaranan.

Lukas 14:12

Sinabi diman ni Hisus sa nagban-aw sa kanya pag Parisiyu magkun, “Nu kawu mag-alistu yabas ngatay yapun, danga ban-awun nimu tag sa karan-an kanmu manga kakilala, una kanmu manga patar-ari, una kanmu manga katawuhan, una kanmu kamalay manga mayaman. Barang kawu maan ti ban-awun nida ag balusan kawu karan-an.

Lukas 18:14

Magkun si Hisus, “Pagsabihun niku sa kanyu, nuli yi inda pag lalaki pinakan-an siya kahusayan sa atubangan Diyus, dapat tunda pag Parisiyu unman. Dahil ti kada magpalabaw-labaw ipaababa. Dapat tigpakumbaba, ipaabwat ngap Diyus.”

Santiyagu 1:9

Nu pugri ti usa ka patar-ari, may kabayaan ngap siya nu siya pinaabwat Diyus.

Santiyagu 4:10

Pagpakumbaba kamu sa atubangan Panginuun, bag-u kamu paabwatun niya.

Santiyagu 4:6

Dapat masyadu diman marig-un kay awat Diyus sa kanta. Dahil magkun ti Banal Kasuratan, “Ti Diyus lumaban sa manga mayabang, dapat mag-awat sa manga mapinakumbabaun.”

1 Pidru 5:5

Kamu duy pag manga udwaya masyadu kanyu idad, kailangan pagpasakup kamu sa manga manug-asiwa iglisya. Pagparasakpan kamu tanan magsirirbihan kamu sa usa kag sa usa. Angay sa isinurat sa Banal Kasuratan magkun, “Ti Diyus lumaban sa mayabang-yabang, dapat pakan-an niya kaayadan ti mapinakumbabaun kay naisipan.”

1 Pidru 5:6

Nakan ngani pagpasakup kamu sa kamaskihan Diyus, hampay ipaabwat niya kamu nu rumas-ug kay taning pag udas.

1 Samwil 15:17

Magkun si Samwil, “Una diit kanmu pamantay sa kam sadili kaybi, pinili di gid kawu Panginuun humari sa tanan linahi Israil.