Lukas 13:27 - Hanunuu

²⁷ Dapat sumabi di maan gid siya, ‘Kang pagsabihun sa kanyu unman aku magkilala sa kanyu nu taga naan kamu. Danga yi kamu sitay, pagpakarayu yi kamu sa kangku, kamu tanan pag manga manugbuwat kasalanan.’

Lukas 13:27 Iomraidhean Croise

Kanta 1:6

Dahil pag-alagaan Panginuun ti manga magkabuhi matadlung, dapat ti magkabuhi sa kadautan, kadautan diman ti dumara tag sa kadamhakan.

Kanta 101:8

Kada sirang rurisun niku ti manga daut pag tawu. Paighitun niku sida sa banwa Panginuun.

Kanta 119:115

Pagpakarayu kamu sa kangku, kamu pag manga magbuwat daut, hampay matupad niku ti manga sugu niku Diyus.

Kanta 125:5

Dapat parusahi kaibahan ti manga daut pag tawu kanmu nasakupan, ti magsunud sa balaw mayad pag-ugali. Israil, pagsa kanyu mana ti kahusayan!

Kanta 28:3

Danga aku pagsintinsiyahi kaibahan manga daut tawu. Magpanaguabi sida manga kakilala, dapat maaw maggayak sida daut.

Kanta 5:6

Pagrurisun nimu ti manga pudilun. ag pagkagalitan nimu ti manga magmatay tawu hanggan ti manga manugdaya.

Kanta 6:8

Pagpakarayu kamu sa kangku, kamu pag manugbuwat kadautan, dahil nasaydan Panginuun kang maglumi.

Husyas 9:12

Una waya magkaanak sida, bul-un di niku sida tanan ag manrukuan kamu. Kaawaawa gid kamu nu pabay-anan yi niku.

Matiyu 25:12

Dapat sinabi niya, ‘Ungud duy kang pagsabihun sa kanyu, unman niku kamu kilala.’ ”

Matiyu 25:41

“Kumumun maan ti Hari sa manga tawu sa wala baliwa, ‘Pagpakarayu kamu sa kangku ginan, kamu ti manga sinaadan, pag-ati kamu sa apuy unman magkapsa inalistu para sa diyablu hanggan sa kay manga anghil.

Lukas 13:25

“Nu tumindug ti may apu balay bag-u kay talakpan yi ti sabian, kamu bay matindugan lang sa luwas sabian mag-ayawun tag sa sulud magkun, ‘Panginuun, bukasi yi duy ti sabian.’ Sumabi siya sa kanyu, ‘Unman aku magkilala sa kanyu nu taga naan kamu.’

1 Kurintu 8:3

Dapat ti manga tawu magmahal sa Diyus, pagkilalan-un sida Diyus kanya.

Galasya 4:9

Dapat taynguna kanyu yi nakilala ti Diyus, aw mayad man nu sabihun taynguna kamu nakilala yi Diyus. Hayga lugud kamu magbalik magsirbi maan sa manga kapangyarihan maghari sa kalibutan balaw may pulus ag unman waydi may kabuluhan. Hayga lugud kamu magkaibug maan magpasakup sa siyun pag manga kapangyarihan?

2 Timutiyu 2:19

Dapat marig-un kay ipinakana Diyus pag manga tudlu magkun, “Magkakilala di Panginuun nu si unu ti sa kanya.” Ag “Ti kada tawu magtawag sa Panginuun, pagpakarayu sa magbuwat kadautan.”