Lukas 12:59 - Hanunuu

⁵⁹ Kang gid pagsabihun sa kanmu, unman gid kawu makalpas hanggan sa unman waya matabwan mabayadan nimu kam utang.”

Lukas 12:59 Iomraidhean Croise

Matiyu 18:34

Nangisug gid kay amu, nakan ipinapirisu ti panawuhun hampay pakurian siya hanggan sa ud mabayadan niya kay utang.

Matiyu 25:41

“Kumumun maan ti Hari sa manga tawu sa wala baliwa, ‘Pagpakarayu kamu sa kangku ginan, kamu ti manga sinaadan, pag-ati kamu sa apuy unman magkapsa inalistu para sa diyablu hanggan sa kay manga anghil.

Matiyu 25:46

Tulakun sida tabug sa kaparusahan unman may katapusan. Dapat ti manga matadlung tumanggap tutuu pag buhi unman may katapusan.”

Matiyu 5:26

Ungud duy kang pagsabihun sa kanyu, dayi kawu makaluwang ati ginan hanggan sa udwaya mabayadan nimu kay multa.”

Markus 12:42

Nagpakarani diman waydi ti babayi buranday nagsukad duwa ka singku, kay halaga usa ka diyis.

Lukas 16:26

May yangpas paman daka sa kanta tab-anan ginan sa kanmi tag sa kanyu. Nakan una may magkaibug mana dumipay dayu mahimu, una sitay ginan asan tabug, una asan ginan sitay tabug.’

2 Tisalunika 1:3

Kailangan kami pirmi magpasalamat gid sa Diyus tungkul sa kanyu, manga patar-ari. Nakan tama gid nu pirmi kami magpasalamat, dahil mag-amat magrig-un kanyu pagsarig sa kan Kiristu. Hanggan paman kanyu pagmahal sa usa kag sa usa mag-amat waydi magdaka.