Lukas 12:47 - Hanunuu

⁴⁷ Dahil ati pag panawuhun nakaalam sa kay amu daan bilin, dapat ay unman nag-alistu, unman diman naniwala sa kay bilin, nakan duru yi pagkabakul sa kanya.

Lukas 12:47 Iomraidhean Croise

Isikil 9:6

Panmatya niyu ti manga gurangun, ti manga kalay-awan lalaki ag manga babayi, ti manga ina, ag ti manga anak, dapat danga paglabuta ti may manga marka. Pag-umpisa kamu sa kang Balay.” Nakan inuna nida pinanmatay ti manga paggurangunun ati sa atubangan Balay Diyus.

Lukas 12:41

Sinabi ni Pidru magkun, “Panginuun, ti kanmu binagaw pahalimbawa ngatay sa kanmi lang ngatay sa tanan tawu?”

Lukas 12:46

Bumalik kay amu tag sa tunda pag panawuhun sa sirang unman pag-isipun niya kuntay rumas-ug kay amu ati katpung ag sa udas unman niya naalaman. Bag-u barian yi siya sa parusa niya amu, iminsan lang siya sa unman manga masurundun.

Huwan 12:48

Dapat may sumintinsiya sa tawu nu siya magdayu sa kangku ag nu unman siya magpaniwala sa kang pagbagawun. Kang ngap manga binagaw imaw ti sumintinsiya sa kanya sa katapusan panahun aban.

Huwan 19:11

Sinmagut si Hisus magkun, “Nakan lang kawu may karampatan magbuwat katida sa kangku, dahil Diyus ti may pahintulut tunda sa kanmu. Nakan mabuyat man ti kasalanan tunda pag tawu ti nag-intirga sa kangku sa kanmu kamang.”

Huwan 9:41

Sinmagut si Hisus magkun, “Nu abi kamu manga buta unman mana kamu may kasalanan. Dapat taynguna kanyu pagsabihun magkun, ‘Kami maghiling’, nakan unman mab-ul kanyu kasalanan.”

Binwat 17:30

Dugay pag kapanahunan balaw pag-alintanahun Diyus kay unman magkilala tawu sa Diyus. Dapat taynguna ibinilin Diyus sa tanan tawu sa una naan pag rugar patlikudi yi iampu kanda daut ugali.

Santiyagu 4:17

Nu alam tawu ti dapat niya buwatun pag kaayadan bag-u unman waydi kay pagtupadun, siya magkasala.