Lukas 12:44 - Hanunuu

⁴⁴ Kang pagsabihun sa kanyu, iintirga niya amu sa kanya ti tanan kasiyunan.

Lukas 12:44 Iomraidhean Croise

Matiyu 24:47

Ungud duy kang pagsabihun sa kanyu, iintirga niya amu sa kanya ti tanan kasiyunan.

Matiyu 25:21

Magkun kay amu, ‘Bali duy, matinupadun ag mayad kawu pag panawuhun. Dahil kawu matinupadun sa diit pag halaga, piyaran niku kawu daka pag halaga. Abala kawu, miusa sa kang kabayaan.’

Lukas 12:43

Masulung tunda pag panawuhun pagka naras-ugan siya magtupad sa kay buruwatun sa kay pagbalik niya amu.

Lukas 12:45

Dapat nu alangan tunda pag panawuhun umisip siya sa kay sadili, dugay waya bag-u bumalik kang amu. Bag-u binakul yi niya ti manga panawuhun lalaki hanggan babayi bag-u nanginum may sumsuman siya.

Ipinakakit 3:18

Nakan ngani kang pagsabihun sa kanmu, pagbili kawu sa kangku lunsay yi pag gintu hampay kawu ungud gid yumaman. Pagbili diman waydi kawu malagti pag rutay hampay kawu may isulung, udyi kawu mangay-a sa kanmu pagkalilus. Pagbili waydi pamulung sa mata hampay kawu kumakit maan.