Lukas 12:42 - Hanunuu

⁴² Sinmagut ti Panginuun magkun, “Ti panawuhun nu matinupadun ag mapininsaran imaw ti pagpiyaran niya amu hampay pakan-an niya karan-unun kay kaparihu manga panawuhun may bahaw may yabas may yapun.

Lukas 12:42 Iomraidhean Croise

Pag-ighit 36:4

Nakan inmatag sa kan Muysis ti manga manugtarabahu sa Turda ag magkun,

Kabagawan 12:8

Pagdayawun ti madunung pag tawu, dapat pagpuyaan ti tawu liku kay naisipan.

Kabagawan 15:23

Magbaya ti tawu nu makapakaun siya kang-ud pag sagut. Ga kabitay yi gid kay kasarap nu makasagut siya sa hustu pag udas.

Kabagawan 27:18

Nu alagaan nimu ti puun igus, makakaun kawu kay burak. Katunda diman nu alagaan nimu kanmu amu, parangalan kawu niya.

Kabagawan 31:15

Surip waya gid siya mag-ipulaw hampay man-alistu karan-unun para sa kay magtal-anakan, ag hampay sabihan kay manga suruguun babayi nu hintay kanda buwatun.

Isayas 50:4

Tinudluan aku Panginuun Diyus nu hintay ti sabihun niku hampay maparig-un ti manga maglumuy. Pagpulawun niya aku kada surip hampay patingihan ti manga pag-itudlu niya sa kangku.

Hirimyas 23:4

Pakan-an niku sida manga takinan imaw ti mangalaga sa kanda; balaw yi sida madala hanggan mataranta. Udyi may tumalang sa kanda. Aku, ti Panginuun, ti magsabi inda.”

Isikil 34:3

Pag-inmun niyu kanda manga gatas, pagbuwatun rutay kanda manga bulbul, bag-u pag-iyawun ti pinakamayad sa kanda, dapat unman niyu sida pag-alagaan.

Matiyu 13:52

Magkun siya sa kanda, “Nakan ngani ti kada manugtudlu Kasuguan nu tuludluan siya sa kaharian langit, parihu siya sa usa ka may puun balay bumulwat manga bag-u pag bagay may daan ginan sa kay hamnuan.”

Matiyu 20:8

“Pagka malambung yi, magsabi ti may puun ubasan sa kay ingkargadu, ‘Pasitaya nimu ti manga nagtarabahu, pakan-an nimu sida kanda upa. Pakan-an dap nimu ti manga nauryan bag-u ti manga un-an.’

Lukas 12:43

Masulung tunda pag panawuhun pagka naras-ugan siya magtupad sa kay buruwatun sa kay pagbalik niya amu.

Lukas 7:13

Pagka nakitan siya Panginuun, kinaawan niya ti babayi. Magkun si Hisus, “Danga maglumi duy kawu.”

Lukas 7:19

bag-u kay sinugu sida atag sa Panginuun magkun, “Sabiha niyu sa kan Hisus, ‘Kawu aw ngani ti pagsabihun manga purupita kuntay sumitay, aw ngatay mag-alagad waya kami sa iba?’ ”

Binwat 20:28

Ingatan duy niyu kanyu sadili hanggan ti iglisya dahil sida iinintirga Ispiritu Banal sa kanyu. Pangalagaan niyu ti iglisya Diyus kay sinakup niya pagka ibinuhus ti dugu niya Anak sa kay kamatayan.

1 Timutiyu 3:15

hampay una aku unman makaras-ug madali, maalaman diman nimu ti mayad pag ugali kailangan buwatun sa magtal-anakan Diyus, sa iglisya Diyus buhi, imaw yi ngani ti pinagkatulduk hanggan binungsudan katutuuhanan.

1 Timutiyu 5:17

Pagkayamu nu magpakaun kamu sa manga manug-asiwa mayad kanda mag-asikasu, lalu sa manga manugbarita hanggan sa manga manugtudlu Bagaw Diyus.

2 Timutiyu 4:2

Ti kang patigayun sa kanmu duy itudlu nimu ti Bagaw Diyus, una sa hintay pag udas. Danga magpasnu sa manga tawu nu salan, tamyawa. Parig-una nimu ti nalub-anan manga tawu. Pagmaalumanay kawu pirmi, danga gid pag-apasi sa tudlu.

Titu 1:7

Kailangan gid unman may ikasabi sa manug-asiwa iglisya. Ti manug-asiwa iglisya imaw ti piniyaran buruwatun Diyus. Kailangan siya unman palabi-labihun, unman waydi arisgadu, balaw maglangu, balaw magalitun, balaw daluk,

Hibriyu 13:17

Pagsunud kamu ag pagpasakup sa kanyu manga manug-asiwa iglisya, dahil sida ti may panagutan sa atubangan Diyus tungkul sa kanyu. Mag-alaga sida sa kanyu, dahil sida may panagutan sa atubangan Diyus tungkul sa kanyu. Nu kanyu sundun sida, masulung sida sa kanda magtupad sa buruwatun. Dapat nu unman, manruku sida ag balaw inda ikamayad niyu.

Hibriyu 13:7

Isipun niyu ti nangatungkulan sa kanyu kaybi, sida ti nagpaliwanag kay Bagaw Diyus sa kanyu. Isip-isipun niyu nu kabitay kanda nangugali sitay sa babaw daga hanggan kanda ikinamatay. Huwada niyu kanda pagsarig sa Diyus.

Hibriyu 3:5

Masarigan ngani si Muysis sa tanan niya buruwatun sa magtal-anakan Diyus dahil siya suruguun Diyus, hampay ipasandam niya ti manga katutuuhanan kay ipaburayhaw Diyus aban.

1 Pidru 4:10

Pagmatinupadun kamu pag manga piniyaran manga tuhay-tuhay pag kaayadan Diyus. Gamita niyu kanyu tinanggap ayaw-ayaw hampay mapakinabangan tanan patar-ari.