Lukas 12:39 - Hanunuu

³⁹ “Dapat isipun niyu inda, nu abi naalaman lang may puun balay nu kapira pag rumas-ug ti mananakaw, balaw mana pabay-anan niya ipatakaw kay butang sa balay.

Lukas 12:39 Iomraidhean Croise

Matiyu 24:42

Nakan pag daan kamu alistu, dahil unman niyu alam ti sirang ngatay udas pagras-ug niyu Panginuun.

Matiyu 6:19

Magkun si Hisus, “Danga kamu magtipun kanyu kayamanan sitay sa babaw daga. Sitay may magdaut manga talagkumang una manga tayan, may magsulud manga mananakaw.

2 Pidru 3:10

Rumas-ug ti kaudasan Panginuun parihu sa mananakaw. Sa tunda pag udas madnugan ti matnug gid pag tunug ag madura ti manga langit. Mairub ti init, ti bulan, hanggan ti manga pamgasan. Ti daga hanggan ti tanan bagay sa babaw daga madura diman.

Ipinakakit 16:15

“Pagpatingi kamu, rumas-ug aku parihu sa mananakaw. Papaladan Diyus ti tawu nu maimatahan diman ag nu unman linukasan niya kay rutay hampay unman lumakaw siya malukasan ag dayu mangay-a siya sa kayamuan tawu.”

Ipinakakit 3:3

Pag-isip-isipa gid nimu nu kabitay nimu natanggap ti kanmu nadnugan pag manga tudlu. Tupada nimu tida. Ampui yi patlikudi yi kanmu buwat kadautan. Nu unman kawu mimata, asan tag aku parihu ga mananakaw. Unman nimu alam ti udas niku pagras-ug sa kanmu.