Lukas 12:35 - Hanunuu

³⁵ Magkun si Hisus, “Paghawuda kanyu rutay sa unman masambur sa magtarabahu, pagmasnag kanyu manga sulu.

Lukas 12:35 Iomraidhean Croise

1 Hari 18:46

Pinabisug Panginuun si Ilyas. Ibinugkus niya sa awak kay rutay niya panluwas ag nalagiw, ag inmuna waya sa kan Akab atabug sa Hisriil.

Kabagawan 31:17

Mabaskug siya, masipag ag mabilis sa buruwatun.

Isayas 11:5

Ipalantap niya ti katadlungan hanggan ti katutuuhanan, inda ti pinagka huragkus niya.

Isayas 5:27

Una di usa sa kanda unman paggasaun ngatay mitalakpa, ag unman diman pagtungkaun ngatay magkaturug. Unman magkalapsu kanda huragkus ngatay mabugtas kanda higut lapak.

Matiyu 25:1

Sinabi ni Hisus magkun, “Ti kaharian langit ipaparihu sa sampulu ka daraga. May sampulu ka daraga linmakaw hampay manulang sa lalaki ipasaru. Masigdara sida sulul-an.

Matiyu 5:16

Katunda diman waydi iparayaw niyu kanyu sulu sa atubangan tanan tawu hampay makitan nida kanyu manga mayad buwat bag-u kanda dayawun kanyu Ama sa langit.”

Lukas 12:36

Parihu sa manga tawu mag-alagad sa kanda amu mag-uli ginan sa karan-an sa pamasaruhan. Nu rumas-ug siya tumaragham lang, rargu bukasan nida ti sabian.

Ipisu 6:14

Nakan ngani pagpirmi alistu kamu. Ihawud niyu ti katutuuhanan. Ti katadlungan kanyu panangga isulung yi sa kanyu dubdub.

Pilipus 2:15

Sa kanyu manga kalibut may manga tawu unman mayad kay ugali ag daut kay pagbuwatun. Kailangan kamu pag manga anak Diyus ga mustara sa manga iba tawu malumpiyu kanyu ugali, unman may ikasabi sa kanyu. Nu katunda magduag yi kamu sa kanda karaw-an parihu ga manga pamgasan magrayaw sa langit.

1 Pidru 1:13

Nakan ngani ialistu niyu kanyu naisipan. Pagmapinigilun kamu. Ilubus niyu kanyu pagsarig sa kay itinaratu Diyus pag kaayadan kanyu patabgan nu makitan yi aban si Hisu-Kiristu.