Lukas 12:28 - Hanunuu

²⁸ Ti kugun pinasulungan Diyus ga rutay malatuy. Nu kainda ay buhi sa bantud, aldaw bay ipagba yi sa sapyaan. Unman aw lalu gid pihu kamu pakan-an niya rutay. Hayga lugud diit lang kanyu pagsarig sa Diyus?

Lukas 12:28 Iomraidhean Croise

Isayas 40:6

May nagsabi sa kangku, “Pagtudlu kawu!” Nagsagut aku, “Hintay kang itudlu?” Magkun siya, “Itudlu nimu ti tanan tawu parihu lang sa ilamnun, kanda rinu parihu sa busang ilamnun.

Matiyu 14:31

Bag-u ihinunat ni Hisus kay kamang ag hiniyaptan niya si Pidru. Magkun si Hisus, “Kawu duy diit lang maaw kanmu sarig. Hayga kawu nag-alinlangan?”

Matiyu 16:8

Alam di ni Hisus nakan pinaingana niya sida, “Hayga kamu magharampangan unman may tinapay? Kurang maaw kanyu sarig.

Matiyu 17:17

Sinabi ni Hisus magkun, “Kamu supakil pag manga tawu, manga unman may pagsarig. Kabitay kadugay kailangan aku kanyu kaibahan? Kabitay waya lugud kadugay kamu kang pagtiisan? Daraha niyu ti anak sitay tag.”

Matiyu 17:20

Nagsagut siya magkun, “Dahil kurang duy kanyu sarig. Ungud duy kang pagsabihun sa kanyu, nu kanyu sarig ga butir mutsasa lang mana kay kadaka, mahimu sabihun niyu sa inda pag bantud, ‘Pag-ighit kawu sitay ginan’, bag-u umighit yi ngani. Nu katunda, ti tanan bagay makaya niyu mabuwat.” [

Matiyu 6:30

Ti manga ilamnun sa padang ga pinasulungan Diyus rutay. Tunda pag ilamnun buhi taynguna, aldaw bay ipagba. Unman aw nguna lalu kamu pag-alagaan niya? Masyadu maaw diit kanyu pagsarig sa kanya.

Matiyu 8:26

Magkun si Hisus sa kanda, “Hayga lugud kamu magkadala, diit maaw kanyu pagsarig.” Bag-u tinmindug si Hisus ag nagbagaw, kay inampara ti untug hanggan ti humbak danaw. Bigla nagkalma.

Lukas 8:25

Magkun siya sa kanda, “Kabitay duy lugud kanyu sarig?” Nadala sida nadulaw. Magharampangan sida magkun, “Hayga nguna katida pag tawu? Magbilin una sa bagyu una sa danum bag-u magpaniwala ti manga bagyu sa kanya.”

Hibriyu 6:7

Pagpapaladan Diyus ti daga nu hurum dahil uranan bag-u tubuan manga tanum makinabangan niya apu.

1 Pidru 1:24

Angay sa nisurat sa Banal Kasuratan magkun, “Ti tanan pag manga tawu parihu sa ilamnun, parihu ga sa busang ilamnun kanda rinu. Ti ilamnun magkarubay, magkarugnas kay busang.