Lukas 12:19 - Hanunuu

¹⁹ Bag-u sumabi sa kang sadili bilug, mayamu yi kang kasiyunan kinarinu sa kang butangan, kang-ud sa mayamu pag timpu. Magpahari aku kang bilug, kumaun, uminum, magbaya waya aku.’

Lukas 12:19 Iomraidhean Croise

Hub 14:1

“Kami manga tawu lang dag-ud kanmi buhi, ag mayamu kanmi kakurian.

Kanta 49:18

Una waya sa kanda magkabuhi pagkumnun nida kanda sadili pinapaladan Diyus, ag pagdayawun sida manga tawu dahil may kaabundahan sida,

Kanta 62:10

Danga kamu magsarig sa magpanguwarta. Danga kamu magsarig may mab-ul kamu sa panab-anan panakaw. Una magdugang waya kanyu kayamanan, danga inda pagsarigi.

Kabagawan 10:2

Ti kayamanan bin-ul sa daut pag paraan balaw makapakaun kaayadan, dapat ti matadlung pag pangabuhi makapakaun kaayadan dahil makaribri inda sa kamatayan.

Kabagawan 14:24

Mahalaga ti kadunungan sa manga madunung, dapat unman may halaga ti kurang sa intindi sa manga kurang-kurang.

Kabagawan 18:11

Ti isip mayaman kay kayamanan imaw makadipinsa sa kay sadili parihu sa abwat pag alad batu masangputan sa banwa.

Kabagawan 23:5

Ti kuwarta madura sa usa lang ka pidpiraw, ga may pakpak ag maglayang tag sa arayu parihu sa agila.

Kabagawan 27:1

Danga kawu magpadayaw tungkul sa buwatun nimu aldaw, dahil balaw nimu alam nu hintay ti mangyari sa kanmu aldaw.

Manugtudlu 11:9

Kamu pag kalay-awan, pagbaya kamu habang anak waya. Buwata niyu kanyu pagkaibgan buwatun, dapat alalahana niyu parusahan kamu Diyus angay sa kanyu binwat.

Manugtudlu 2:24

Ti pinakamayad buwatun tawu imaw ti pagkaun, pag-inum, ag ti pagpakasulung sa kay binudlayan. Ag naisip niku inda ginan diman sa Diyus,

Isayas 22:13

Bagkus ngap nanhandaan kamu ag nagbarayaan. Nangiyaw kamu manga baka ag karanidu, bag-u nangaran-an ag nanginuman. Magkun kamu, “Pagmasulung kita, mangaun ag manginum, dahil aldaw barang mamatay yi kita.”

Isayas 5:11

Kaawaawa kamu ti manga surip waya magbangun hampay man-umpisa man-inuman ag manlanguhan tugka sa yabi.

Isayas 5:8

Kaawaawa kamu manga magpayamu manga balay ag magpalaun kanyu manga daga hanggan di sa magkaapiki yi ti iba ag kamu wadi ti mag-uli sa tunda pag daga.

Isayas 56:12

Magkun waya sida, “Abala kamu, mam-ul kita irinmun ag manlanguhan! Higit waya aldaw kaysa taynguna.”

Husyas 12:8

Magpadayaw waya kamu pag manga taga Israil magkun, ‘Nakatipun kami kayamanan, mayaman yi kami. Unman may makasungyaw sa kanmi kuntay nakatipun kami kayamanan sa daut pag paraan, dahil kasalanan inda pag buruwatun.’

Amus 6:13

Magbaya kamu sa kanyu panalu laban sa manga banwa Lu Dibar ag Karnaim, bag-u magkun kamu, “Natalu nita sida sa panab-anan nita sadili kabisugan.”

Habakuk 1:16

Ag dahil mayamu kanda nabihag, pagdayawun nida kanda sadili kakayahan parihu sa manug-isda magdayaw sa kay banwit ngatay sa kay lambat sa panab-anan pagsunug kamangyan bilang handug sa inda pag manga bagay. Dahil sa panab-anan niya banwit ngatay lambat nagyaman siya ag nagkaimaw abunda pag karan-unun.

Lukas 12:18

Bag-u magkun siya, ‘Kainda kang buwatun, dautun yi lang niku kang manga daan balay haramnuan bag-u buwatun niku utru manga daka man sa siti. Ti tanan niku inani isukad maan niku siti hanggan kang manga butang.

Lukas 16:19

Sinabi ni Hisus magkun, “May usa ngani ka tawu mayaman, kay rutay parihu sa rutay manga hari kay pagkarinu, masyadu gid marinu. Subra gid sa kanya kay karan-unun sirang-sirang.

Lukas 21:34

“Dapat pag-aman kamu barang magumun kamu sa kasulungan hanggan sa maglangu ngatay sa subra pag irisipun tungkul sa kanyu kahamtangan sitay sa babaw daga. Barang bigla rumas-ug sa kanyu tunda pag kaudasan ga suduk kamu unman alistu.

1 Kurintu 15:32

Nu angay lang sa kang pagkatawu aku naglaban sa manga simarun sitay sa Ipisu, hintay kang pakinabangun. Nu abi ti manga namatay unman buhiun uman, “Pagkaun ag pag-inum yi lang kita, aldaw mamatay yi waydi.”

Pilipus 3:19

Kanda aban ras-ugan sa kaparusahan sa impirnu, dahil kanda sadili kailangan imaw kanda pinagkadiyus. Ti kanda ikakay-a mana, imaw ngap ti pag-ipadayaw nida. Kanda paghingbutun ti manga bagay lang sitay sa babaw daga.

1 Timutiyu 5:6

Dapat ti buranday nu mag-ugali sa parabayain, isipa yi lang siya ga namatay.

1 Timutiyu 6:17

Sabihi nimu ti manga mayaman, danga magpalabaw-labaw. Danga sida magsarig sa kanda kayamanan dahil tunda magkadura di. Bagkus ngap pagsarig sida sa Diyus, imaw ti abunda pag manugpakaun tanan bagay sa ikabaya nita.

2 Timutiyu 3:4

Balaw lang tunda, paradaya waya sida, daluk-daluk, palabi-labihun, mahilig sa daut pag kasayahan, unman ngap pagpahalgaan nida ti Diyus.

Santiyagu 5:5

Magpadayaw-dayaw kamu dahil kang-ud yi udyi may kurang kanyu kasiyunan sitay sa babaw daga. Nagtabul kamu parihu ga manga hayup iriyawun.

1 Pidru 4:3

Kang-ud yi ti manga nakalawuy pag sirang kanyu inuyang sa kanyu manga binwat angay sa ugali manga balaw napasakup sa kan Kiristu, manga mahalay, manga daut kagustuhan naisipan, manga maglangu, manga subra yi pag kasayahan, manga mag-inuman, manga magsamba sa diyus-diyusan balaw angay sa atubangan Diyus.

Ipinakakit 18:7

Nu kabitay siya magpadayaw-dayaw sa kay kayamanan ag magpalabaw-labaw, katunda diman ipakaun niyu sa kanya ti mahigpit pag kakurian hanggan karukuan bilang patimbang. Dahil pirmi pagpakaisip-isipun niya magkun, ‘Rayna yi gid aku tutuu, balaw aku buranday, udyi aku may malakawan karukuan hanggan waya aban.’

1 Samwil 30:16

Nakan nagsumpa ngani si Dabid, ag inibahan sida Ihipsiyu atag sa kinampuhan manga nansalakay. Bag-u ati nakitan nida ti manga Amalikita mawayakan magkaun, ag mag-irinuman bag-u magbarayaan, dahil mayamu kanda naagaw sa manga Pilistiyu hanggan sa daga Huda.