Lukas 12:14 - Hanunuu

¹⁴ Dapat sinabi ni Hisus sa kanya, “Duy, si unu nguna ti nagpakaun karampatan sa kangku hampay magpaanyu mag-ayaw-ayaw kanyu ginurang sangkap?”

Lukas 12:14 Iomraidhean Croise

Pag-ighit 2:14

Sinmagut ti lalaki, “Si unu ti nagpakaun sa kanmu karampatan hampay mamahala ag manhusay sa kanmi? Matyun diman aw nimu aku parihu sa kanmu binwat kaaldaw sa Ihipsiyu?” Nadala si Muysis ag magkun sa kay sadili, “May nakaalam maaw sa kang binwat.”

Mikas 6:8

Sinmagut si Mikas: “Tinudluan yi kita Panginuun nu hintay ti mayad. Inda ti gustu niya buwatun nita: Buwatun nita ti matadlung, palabihun nita ti maawaun sa iba ag pagmapinakumbabaun kita sa pagsunud sa kanta Diyus.”

Lukas 12:13

May usa ka tawu sa kayamuan naghampang sa kan Hisus magkun, “Maisturu, paanyua duy nimu kang patar-ari aku hurayi kanmi ama yaman.”

Lukas 22:58

Pagka lagat-lagat, nakitan maan siya usa ka lalaki sinabi sa kanya, “Kawu hanggan kaibahan maaw nida.” Dapat magkun si Pidru, “Unman gid duy aku.”

Lukas 5:20

Pagka nakitan ni Hisus kanda pagsarig, sinabi niya sa lunu magkun, “Pinatawad yi duy kanmu manga kasalanan.”

Huwan 6:15

Alam di ni Hisus kanda gayak magpakarani sa kanya bag-u siya bul-un sa pilitan buwatun hari. Nakan linmakaw siya usa-usa atag maan sa bantud.

Huwan 8:11

Magkun ti babayi, “Unman yi duy.” Sinabi ni Hisus magkun, “Una aku balaw manintinsiya sa kanmu. Pag-uli yi duy, inda ginan danga yi kawu magkasala.”

Ruma 2:1

Nakan ngani una si unu kawu ti parapihu sa kasalanan manga iba, udyi ngap kawu may idahilan. Dahil sa kanmu magpihu sa manga iba, pagpihuun diman waydi nimu kanmu sadili kasalanan. Kawu magpihu sa kasalanan manga iba, dapat kumun diman waydi kanmu pagbuwatun.

Ruma 2:3

Kanmu aw isip makaiwas kawu sa sintinsiya Diyus nu pihuun nimu ti daut buruwatun manga iba, kanmu diman waydi pagbuwatun?

Ruma 9:20

Dapat kawu duy tawu lang, si unu lugud kawu nakan nagsagut katida sa Diyus? Masabi aw lugud anglit sa nagpanday sa kanya magkun, “Hayga binwat nimu aku kainda?”