Lukas 12:12 - Hanunuu

¹² Dahil itudlu Ispiritu Banal sa kanyu sa ati katpung ti dapat niyu sabihun.”

Lukas 12:12 Iomraidhean Croise

Pag-ighit 4:11

Magkun sa kanya ti Panginuun, “Si unu ti nagbuwat bibig tawu? Si unu ti may kakayahan baliwun bungul ngatay buyun ti usa ka tawu? Si unu ti magpasya makakit ngatay mabuta siya? Bukun aw aku, ti Panginuun?

Pag-ighit 4:12

Nakan paglakaw yi, dahil awatan niku kawu sa pagbagaw ag itudlu niku sa kanmu ti manga sarabihun nimu.”

Matiyu 10:19

Pagka kamu ipabahala nida sa husgadu, danga kamu magkakuri sa kanyu sarabihun nu kabitay kanyu bagawun. Pagka ati katpung pag udas, itudlu di waydi Ispiritu Banal sa kanyu ti dapat niyu sabihun.

Matiyu 10:20

Dahil balaw kamu ti bumagaw, nu unman ti Ispiritu niyu Ama ti pumabagaw sa kanyu.

Lukas 12:13

May usa ka tawu sa kayamuan naghampang sa kan Hisus magkun, “Maisturu, paanyua duy nimu kang patar-ari aku hurayi kanmi ama yaman.”

Lukas 21:15

Dahil pakan-an niku kamu bagaw pananagut hanggan kadunungan hampay udyi makalaban udyi waydi tumanggi kanyu tanan manga kalaban.

Binwat 4:8

Bag-u si Pidru, lubus sinuldan Ispiritu Banal, nagsagut sa kanda magkun, “Kamu duy pag manga pangulu ag manga paggurangunun manga Hudiyu,

Binwat 6:10

Dapat mahal ngap pag kadunungan kay ipinakaun Ispiritu Banal sa kan Istiban nakan unman gid kaya nida taluhun siya.

Binwat 7:55

Dapat ay si Istiban lubus sinuldan Ispiritu Banal nagtangda sa langit. Nakitan niya ti masyadu masilaw pag rayaw sa kay libut Diyus hanggan si Hisus matindugan baliwa sa sikun Diyus.