Lukas 11:9 - Hanunuu

⁹ Kang gid pagsabihun sa kanyu, panhagad kamu hampay kamu pakan-an, panhanap kamu hampay makakit. Pagtaragham kamu ginan sa luwas bag-u bukasan ti sabian.

Lukas 11:9 Iomraidhean Croise

Kanta 118:5

Sa kang kakurian, nagdangup aku sa Panginuun, ag sinagut niya aku sa panab-anan pagribri sa kangku.

Kanta 27:4

Usa ka bagay kang paghagadun sa Panginuun, inda kang gid pagkaibgan: ti makaulian aku sa kay Balay habang buhi aku, agud makitan niku kay kadayawan, ag hilingun sa kanya giyahan niya aku.

Kanta 27:8

Tinandug nimu kang tagipusuun kuntay pagdangup aku sa kanmu, nakan nagdangup aku sa kanmu, Panginuun.

Kanta 34:10

Ti liyun mahimu kurangun sa karan-unun ag lun-usun, dapat ti manga magdangup sa Panginuun balaw gid kurangun mayad pag manga bagay.

Kanta 34:4

Nandarangin aku sa Panginuun ag sinagut niya aku. Bin-ul niya ti tanan niku kadalaan.

Kanta 50:15

Pagdangup kamu sa kangku sa udas kakurian, dahil iribri niku kamu, ag dayawun niyu aku.”

Kanta ni Sulumun 5:6

Binukasan niku kang mahal, dapat unman yi lagan siya. Gustu gid niku masaydan kay busis. Nakan tinawagan niku siya, dapat unman siya sinmagut. Hinanap niku siya, dapat unman niku siya nakitan.

Isayas 45:19

Balaw aku nagbagaw sa lipudan, sa unman may nakaalam. Balaw niku sinabi sa manga linahi ni Hakub kuntay pagpakarani sida sa kangku, unman diman waydi sida may matanggap sa kangku. Aku, ti Panginuun, magbagaw tutuuhanan. Pagsabihun niku nu hintay ti tama.”

Hirimyas 29:12

Nu katida, manawag ag mandarangin kamu sa kangku, patingihan niku kamu.

Hirimyas 33:3

“Pagtawag kawu sa kangku ag sagutun kawu niku, ipaburayhaw niku sa kanmu ti manga makadululaw ag lihim pag manga bagay balaw waya nimu alam.

Danyil 9:3

Dahil siyun, nagpakarani aku sa Panginuun Diyus ag nandarangin. Unman aku naghandum karan-unun, nanrutay aku saku ag namauli dapug sa kang ulu.

Matiyu 21:22

Ag nu kamu may sarig, una hintay kanyu hagadun sa kanyu darangin, pihu matanggap niyu.”

Matiyu 21:31

Naan sa duwa ka anak ti nagtupad sa kagustuhan niya ama?” Sinabi manga manugpatingi magkun, “Ti un-an.” Sinabi ni Hisus sa kanda, “Ungud duy kang pagsabihun sa kanyu, ti manga manunukut buhis ag ti manga uragin umuna waya sa kanyu pumasakup sa kay paghari Diyus.

Matiyu 6:29

Dapat kang pagsabihun sa kanyu, una paman si Sulumun unman nakasulung magilang-gilang parihu sa busang ilamnun madi masyadu marinu kay manga rutay.

Markus 11:24

“Nakan ngani kang pagsabihun sa kanyu, una hintay kanyu hagadun sa kanyu magdarangin, pihu mangyari sa kanyu nu kamu magsarig kuntay natupad tunda sa kanyu.

Markus 13:37

Ti kang pagsabihun sa kanyu, imaw diman kang pagsabihun sa tanan, kailangan kamu paglagi handa gid.”

Lukas 11:10

Dahil ti tawu nu maghagad pakan-an, ti tawu nu maghanap may makitan siya, tigtaragham ginan sa luwas bukasan sa kanya ti sabian.

Huwan 14:13

Una hintay kanyu hagadun sa kangku dahil kamu napasakup sa kangku, kang gid buwatun hampay ipaburayhaw niku ti kadayawan niku Ama.

Huwan 15:16

Balaw duy kamu ti nagpili sa kangku. Aku ngap ti pinmili sa kanyu, kang ipinablag kamu ginan sa kalibutan hampay kamu umatag tumupad sa buruwatun ag hampay udyi madura hanggan aban ti pakinabang niyu manga binudlayan; ipakaun Ama sa kanyu una hintay kanyu hagadun sa kanya dahil kamu napasakup sa kangku.

Huwan 15:7

Nu kamu minsan di sa kangku ag kang manga bagaw pumirmaminti sa kanyu, mahimu hagadun niyu sa darangin una hintay kanyu magustuhan, pihu ipakaun inda sa kanyu.

Huwan 4:10

Sinmagut si Hisus magkun, “Nu abi maalaman lang nimu nu hintay kay pag-ipakaun Diyus ag nu si unu ti naghagad kam danum, mahimu kawu ngap mana ti humagad sa kanya, hampay ipakaun niya sa kanmu ti danum imaw ti makapakaun buhi sa tawu.”

Ruma 2:7

Ti manga iba magparargu sa magbuwat mayad dahil sa kanda maghingbut kadayawan, karangalan, hanggan sa unman may kamatayan. Sida pakan-an Diyus buhi unman may katapusan.

2 Kurintu 6:2

Dahil kay pagsabihun magkun, “Kang dinungug kamu sa insaktu pag udas, ag inawatan niku sa sirang karibrihan. Inawatan niku kamu pagka udas karibrihan.” Pagpatingi kamu, taynguna yi ti udas hampay matanggap niyu ti kaayadan ginan sa Diyus. Malu taynguna yi ngani ti udas karibrihan.

Hibriyu 11:6

Nu unman may sarig ti tawu, dayu mahimu siya lubus pagbayaun Diyus. Dahil nu ti tawu magpakarani sa Diyus kailangan siya magsarig kuntay may Diyus ag unman siya magpabaya sa manga maghanap sa kanya.

Hibriyu 4:16

Pagpakarani kita sa Diyus sa may puun pakaun kaayadan, pagmatutum kanta naisipan, hampay kita pagkaawaan niya ag hampay nu katpung kita may kailangan sa kanya, kita awatan diman angay sa kay pangaawa.

Santiyagu 1:5

Dapat una si unu sa kanyu nu kurang sa kadunungan, paghagad siya sa Diyus, bag-u siya pakan-an. Dahil ti Diyus abunda kay pamakaun sa tanan tawu, balaw siya mag-irang.

Santiyagu 5:15

Bag-u paayadun ti may sakit dahil kanda magdarangin may tapil pagsarig. Pabisugun siya Panginuun ag patawadun siya nu siya nagkasala.

1 Huwan 3:22

Una hintay kanta hagadun, matanggap nita ginan sa kanya, dahil pagtupadun nita kay manga sugu, pagbuwatun nita ti angay sa kay kagustuhan.

Ipinakakit 2:24

“Dapat may pagsabihun waya aku sa kanyu sa manga iba taga Tiyatira, sa manga unman nagsunud sa kay daut pag tudlu ni Hisibil ag unman nagdunung sa kanda pagkumnun manga madalum pag tudlu ni Satanas. Balaw yi pakan-an niku kamu ga manga mabuyat pag paras-anun.