Lukas 11:48 - Hanunuu

⁴⁸ Siti pag mag-akitan kamu magpaangay diman waydi sa binwat daut niyu manga ginurang. Dahil kanda minatay ti manga purupita ati kaybi bag-u kamu tigbuwat parinu sa kanda manga lubung.

Lukas 11:48 Iomraidhean Croise

2 Krunika 36:16

Dapat pinuyaan nida ti manga purupita Diyus, kinasarin-an, ag ipinalawuy kanda manga itinultul. Nakan nagalit ti Panginuun sa kanda, ag unman may makaampara sa kanya.

Hub 15:6

Balaw yi kailangan husgaan waya niku kawu. Dahil kanmu ngap pagbagawun imaw ti pumatutuu laban sa kanmu.

Kanta 64:8

Parusahan sida Diyus dahil sa kanda manga baragawun. Ti tanan makakit sa kanda mangil-ilung sa pagpuya sa kanda.

Isikil 18:19

“Dapat barang mamaingana kamu, ‘Hayga nguna balaw dapat parusahan ti anak dahil sa kasalanan niya ama?’ Nu ti anak magbuwat matadlung, hustu, ag pagsundun niya mayad kang manga surundanun, parargu siya mabuhi.

Matiyu 23:27

“Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Kamu ga manga lubung pininturahan malagti, marinu mana sa luwas dapat ti sa sulud punu ngap but-ul manga namatay hanggan kayagtingan.

Matiyu 23:31

Sa kanyu sinabi tunda, pag-akuun ngap niyu kamu linahi manga nagmatay sa manga purupita.

Lukas 11:47

Kaawaawa kamu dahil kamu tigparinu sa manga lubung purupita minatay niyu manga ginurang.

Lukas 11:49

Nakan ngani magkun ti Diyus angay sa sadili kadunungan, ‘Sumugu aku manga purupita, manga manugtudlu sa kanda. Ti iba kanda matyun, kay iba unu-unuhun.’

Ruma 1:32

Naalaman diman nida ti ibinilin Diyus magkun, kailangan matyun ti magbuwat katunda. Dapat ay magparargu di ngap sida sa pagbuwat daut. Magbaya waya sida nu maghiling sida sa manga iba magbuwat katunda waydi.

Santiyagu 5:10

Manga patar-ari, huwada niyu ti manga purupita ti nagbagaw angay sa kay udyuk Panginuun. Lubus matiniisun sida nag-agwanta sa kakurian.

Huswi 24:22

Magkun si Huswi, “Kamu mismu ti manga patunay sa kanyu sadili kuntay manirbi kamu sa Panginuun.” Nagsagut sida, “Hu, manga kastigus kami.”