Lukas 11:40 - Hanunuu

⁴⁰ Ga ud may namuangan baga kamu. Unman aw Diyus ti nagbuwat kay bilug hanggan sa sulud bilug?

Lukas 11:40 Iomraidhean Croise

Gimpuunan 1:26

Bag-u magkun ti Diyus, “Lalangun nita ti tawu ga kanta histuda. Sida ti manpamahala sa tanan pag kalasi hayup: manga maglanguy, maglayang, maglakaw ag magyapang.”

Gimpuunan 2:7

Linalang Panginuun Diyus ti tawu ginan sa daga. Inarupan niya sa irung ti tawu arup magpakaun buhi. Nakan ti tawu may buhi yi ngani.

Kanta 14:1

Magkun ti manga kurang kay intindi sa kanda sadili, “Unman may Diyus!” Daut sida ag mayagting kanda manga pagbuwatun. Una di usa sa kanda unman magbuwat mayad.

Kanta 33:15

Siya ti nagpakaun kaisipan sa tanan tawu, ag alam niya ti tanan nida pagbuwatun.

Kabagawan 1:22

“Kamu pag manga unman may alam, tugka waya lugud kapira kamu katunda? Kamu pag manga magpuya, tugka waya lugud kapira kamu pag magbaya sa magpuya? Kamu pag manga kurang sa intindi, tugka waya lugud kapira kamu magdayu sa kadunungan?

Kabagawan 8:5

Kamu pag manga unman may alam, pagmadunung kamu. Kamu pag manga luku-luku, pag-intindi kamu.

Hirimyas 5:21

Patingihi niyu inda, kamu pag manga luku-luku ag supakil. May manga mata kamu, dapat unman makakit, may manga tuli dapat unman makadnug.

Sakaryas 12:1

Inda ti sinabi Panginuun tungkul sa Israil: “Aku ti Panginuun ti nagbuwat kalangitan ag kalibutan, ag aku ti magpakaun buhi sa tawu.

Bilang 16:22

Dapat linmuhud si Muysis hanggan si Aarun ag magkun, “Diyus, ti gimpuunan buhi sa tanan tawu, magalit aw kawu sa buu nasakupan dahil sa usa lang ka tawu nagkasala?”

Matiyu 23:17

Manga buta kamu, manga luku-luku. Hintay ti lalu mahalaga, ngatay ti gintu aw ngatay ngap ti Balay Diyus kay haramnuan gintu para sa Diyus?

Matiyu 23:26

Kamu buta pag manga Parisiyu, lumpiyuha dapu niyu ti sa sulud ungut hampay malumpiyu diman waydi hanggan kay habig.

Lukas 12:20

Dapat kay sabi Diyus sa kanya, ‘Kawu pag tawu ga ud may namuangan. Sab yabi bul-un yi niku kam buhi. Kanmu itinigana hamnu kantapu yi nguna aban tida?’ ”

Lukas 24:25

Sinabi ni Hisus sa kanda ni Kaliyupas magkun, “Kamu duy katna kurang kanyu manga isip. Talaga kamu maganitganit waya kanyu tagipusuun. Hayga lugud kamu unman magpaniwala sa tanan isinurat manga purupita?

1 Kurintu 15:36

Kawu duy unman may buut. Kanmu ipinamgas unman mabuhi nu unman magbag-u kay histuda, ibug sabihun ga mamatay dapu.

Hibriyu 12:9

Nu kas-a ginan nu angay sa ugali tawu kita pagparig-anan diman nita manga ama nakan kailangan lalu galangun nita sida. Unman aw lalu waya kita pumasakup sa kanta Ama, sa Diyus hampay kita may buhi?