Lukas 11:4 - Hanunuu

⁴ Patawada nimu kanmi manga kasalanan dahil pinmatawad waydi kami sa kada tawu may kasalanan sa kanmi. Danga ipalakaw nimu kami sa mahigpit pagsubuk.’ ”

Lukas 11:4 Iomraidhean Croise

Gimpuunan 48:16

Ag mana papaladan diman sida anghil, ti nagribri sa kangku sa tanan kadamhakan. Mana maalaala aku hanggan kang manga ginurang sida ni Abraham ni Isaak sa panab-anan nida. Ag mana yumamu waya sida sa kalibutan.”

1 Hari 8:34

patingihi sida asan sa langit. Patawada sida sa kanda kasalanan ag daran-a sida pabalik sa daga ipinakaun nimu sa kanda manga ginurang.

1 Hari 8:36

patingihi sida asan sa langit. Patawada sida kanmu manga suruguun, kanmu nasakupan manga Israilita. Tudlui sida matadlung pagpangabuhi, ag padaran-i uran ti ipinakaun nimu sa kanda pag daga kanda apuun.

Kanta 121:7

Pag-alagaan kawu Panginuun sa tanan pag kadamhakan; alagaan niya kanmu buhi.

Kanta 25:11

Panginuun, una mayamu kang manga kasalanan, patawada aku, hampay madayaw kawu.

Kanta 25:18

Bantayi nimu kang magkalakawan manga kakurian, ag patawada ti tanan niku kasalanan.

Danyil 9:19

Panginuun, patingihi kami ag patawada. Awati kami para kilalan-un kanmu ngaran, dahil pagkilalan-un kawu Diyus sa kanmu banwa hanggan sa kanmu manga nasakupan.”

Husyas 14:2

Pagbalik kamu sa Panginuun ag pagsabi sa kanya kuntay, ‘Panginuun, patawada duy kami sa tanan nimi manga kasalanan, tanggapa kami angay sa kanmu kaayadan hampay makahandug kami manga pagdayaw sa kanmu.

Matiyu 18:35

Katunda diman waydi kay buwatun sa kanyu niku Ama sa langit nu balaw lubusan patawadun niyu kanyu patar-ari.”

Matiyu 26:41

Pagmaimatahan kamu, pagdarangin gid hampay kamu balaw madara sa tuksu. Ti naisipan mana alistu, dapat ay ti bilug malumuy.”

Lukas 11:5

Sinabi ni Hisus sa kanda, “Abi nangus kawu may kakilala, umati kawu sa kanya karaw-an yabi sumabi sa kanya, ‘Duy, paudama aku karan-unun,

Lukas 13:4

Hanggan ati pag sampulu may walu ka tawu nagpuan bantayaw sa Silui ag namatay, barang kanyu isip daka man kanda kasalanan sa tanan kaparihu nida mag-uli sa Hirusalim.

Lukas 22:46

Sinabi ni Hisus sa kanda, “Hayga kamu turug? Pagbangun yi kamu, pagdarangin hampay unman madara kamu sa tuksu.”

Lukas 8:13

Tunda sa mabatu, imaw ti manga nakadnug lang nagtanggap yi sida magbaya sa Bagaw Diyus. Dapat unman ngap inmaba kay gamut. Sida ngap ud nadugay kanda sarig. Pagka rinmas-ug ti tuksu nagbul-iw sida sa Diyus.

Huwan 17:15

Unman aku magdarangin hampay bul-un nimu sida ginan sa babaw daga. Dapat kang pag-idarangin sida hampay kanmu iribri sida sa Puun Kadautan.

1 Kurintu 10:13

Unman may subuk rumas-ug sa kanyu nu unman mabata niyu. Masarigan gid ti Diyus, balaw pahintulutan niya kamu subukan sa udyi niyu makaya. Dapat dungan sa subuk magbuwat siya paraan hampay makalawuy kamu sa kakurian, hampay maagwanta niyu ti subuk.

Kulusas 3:13

Pagparasunaidan kamu. Nu may hinanakit kamu pagparatawadan sa usa kag sa usa. Pinatawad yi kamu Panginuun, nakan kamu pagpatawad diman waydi.

2 Tisalunika 3:3

Masarigan ti Panginuun. Kay pakan-an gid kamu kay kabisugan, kay di alagaan kamu sa diyablu.

2 Timutiyu 4:18

Ti Panginuun diman ti makaparibri aban sa kangku sa tanan pag kadautan. Siya diman ti dumara sa kangku tag sa kay kaharian sa langit. Dayawun siya hanggan waya aban. Amin.

Santiyagu 2:13

Udyi kaawaan Diyus sa kay magsintinsiya ti tawu unman madunung magkaawa. Dapat ti tawu nu madunung magkaawa, unman kailangan magkadala sa parusa Diyus.

Ipinakakit 2:10

Danga duy kadalaan nimu ti manga kakurian kanmu patabgan udyi dugay aban. Malu, ipapirisu diyablu ti iba sa kanyu hampay kamu kay subukan. May tiisun gid kamu sa sulud sampulu ka sirang. Pagpakarig-un duy kawu hanggan tugka sa kamatayan bag-u pakan-an niku kawu buhi imaw yi kang pirimyu sa kanmu nanalu.

Ipinakakit 3:10

Ingatan diman niku kawu nu rumas-ug yi ti udas pagsubuk sa tanan manga tawu sa bilug kalibutan, dahil nag-agwanta kawu sa kanmu pagtupad sa kang bilin.