Lukas 11:36 - Hanunuu

³⁶ Nakan nu lubus marayaw ti buu nimu bilug ag udyi may patakip lunsay yi marayaw gid, parihu kawu ga sa atubangan sulu magkarayawan.”

Lukas 11:36 Iomraidhean Croise

Kabagawan 1:5

Sa panab-anan pagpatingi, ti madunung lalu waya gid dumunung ag maawatan ti manga may inadalan,

Kabagawan 20:27

Ipinakaun Panginuun sa kanta ti kunsinsiya hanggan ti kaisipan hampay mausisa nita kanda pagkatawu.

Kabagawan 6:23

Dahil kanda manga pag-isugu ag pag-itudlu parihu sa sulu magparayaw sa kanmu. Ag ti pagtamyaw nida sa kanmu hampay tadlungun kanmu ugali, ikaayad ag ikalawig nimu buhi.

Isayas 42:16

Abatun niku kang manga nasakupan buta sa katutuuhanan, tabug sa dalan udwaya nida nalakawan. Rayawan niku ti paglakawan nida madlum ag tadlungun niku ti manga nangunha-kunha pag dalan kanda paglakawan. Buwatun niku inda ag balaw niku sida pabay-anan.

Isayas 8:20

Ti kasuguan ag ti itinudlu Panginuun ti kailangan niyu patingihan. Nu may magsabi manga bagay salumpang sa manga pag-itudlu Panginuun, magkadluman waya kay naisipan tunda pag tawu.

Husyas 6:3

Hingabtun nita makilala ti Panginuun. Pihu gid rumas-ug siya, parihu sa pagbutlak init. Rumas-ug siya parihu sa uran maghurum sa daga.”

Matiyu 13:52

Magkun siya sa kanda, “Nakan ngani ti kada manugtudlu Kasuguan nu tuludluan siya sa kaharian langit, parihu siya sa usa ka may puun balay bumulwat manga bag-u pag bagay may daan ginan sa kay hamnuan.”

Matiyu 5:15

Unman may nagsulu sulul-an bag-u ipauli sa sirung salupan, nu unman sa kay gid palaulian sulul-an hampay marayawan ti tanan tawu sa sulud balay.

Lukas 11:35

Nakan ngani pag-aman kawu barang kanmu pagsarigan pag karayawan tunda ngap madlum.

Lukas 11:37

Pagka nag-apas si Hisus kay paliwanag, tinaban siya usa ka Parisiyu manyabas yi sida. Nakan nagsaka siya tinmukaw sa puun lamak.

2 Kurintu 4:6

Dahil Diyus ti nagsabi magkun, “Ginan sa kadudulman pagsinggit ti karayawan.” Siya diman ti nagpakaun rayaw sa kanmi manga naisipan hampay makilala ti kadayawan Diyus mag-akitan sa uyahun ni Kiristu.

Ipisu 4:14

Bukun yi kita parihu ga manga anak di waya daradarahan sa una hintay ti pag-itudlu. Balaw kita parihu sa manga sarakyan sa dagat paglangkiangun humbak, pag-ipadpad durus. Udyi kita madaya manga tawu kay ibug daran-un kita tag sa kadautan.

Kulusas 3:16

Ti barita tungkul sa kan Kiristu kailangan kanyu ituduk sa kanyu tagipusuun. Pagbililinan kamu, pag-aladalan kamu pag may kang-ud pag kaalaman. Pagkanta kamu may tapil pagsamba hanggan magdayaw sa Diyus. Pagkanta kamu angay sa kay udyuk Ispiritu Banal. Ginan sa kanyu tagipusuun pagkanta kamu pagpasalamat sa Diyus.

Hibriyu 5:14

Dapat ti may manga idad yi, magkaun maganit karan-unun, dahil sida nagpaanad yi naantigu magkilala sa daut sa mayad.

Santiyagu 1:25

Dapat ti tawu nu magsuyasid sa Kasuguan bag-u parargu sa kay pagtupad, nu katida pihu papaladan siya Diyus sa tanan niya buruwatun, dahil siya balaw manugpatingi lang bag-u kay paglimtan lang kay nadnugan. Dahil ti Kasuguan unman may kakurangan, tutuu makaparibri sa tawu.

2 Pidru 3:18

Pagparargu kamu, pagdaka sa kanyu kay kaayadan Diyus hanggan kanyu pagkilala sa kanta Panginuun Manugribri imaw yi ngani si Hisu-Kiristu. Sa kanya ti kadayawan taynguna una hanggan aban. Amin.