Lukas 11:32 - Hanunuu

³² Pagka kaudasan sintinsiya aban kumastigus ti manga taga Ninibi laban sa kanyu. Dahil pagka sida nakadnug kan Hunas ibinarita, ti manga taga Ninibi nag-ampu nagpatawad sa kanda manga kasalanan. Dapat balaw di ga kan Hunas ti nagsitay kainda sa kanyu.”

Lukas 11:32 Iomraidhean Croise

Hunas 3:4

Nagsulud si Hunas sa Ninibi. Pagka natapus ti usa ka sirang lalakawun, magkun siya sa manga taga ati, “May 40 wadi ka sirang ti magkasawad rurisun yi ti Ninibi!”

Hunas 3:5

Naniwala ti manga taga Ninibi sa inda pag tultulanun ginan sa Diyus. Tanan-tanan sida, ginan sa pinakabantug tugka sa pinakapugri, nanrutay saku ag nanrukuan hampay ipakakit kanda magsisi.

Hunas 4:9

Magkun ti Diyus sa kanya, “Pag-ikagalit gid aw lugud nimu dahil sa nangyari sa halaman?” Sinmagut siya, “Hu, pag-ikagalit gid niku, nakan mayad waya ti namatay yi lang aku.”

Matiyu 12:39

Magkun si Hisus, “Daut kamu pag manga tawu unman magtupad sa Diyus. Maghanap kamu tanda dapat unman pakakitan tanda purya lang sa nangyari ati katpung sa kan Purupita Hunas.

Matiyu 12:41

Pagka kaudasan sintinsiya aban kumastigus ti manga taga Ninibi laban sa kanyu. Dahil ti manga taga Ninibi nag-ampu nagpatawad sa kanda manga kasalanan pagka sida nakadnug kan Hunas itinudlu, dapat balaw di ga kan Hunas ti nagsitay kainda sa kanyu.

Lukas 11:31

Sa kaudasan pagsintinsiya Diyus, ti Rayna ginan sa salatan baliwa kumastigus laban sa kanyu, dahil ginan waya siya sa arayu pag rugar hampay patingihan kay kadunungan ni Sulumun. Taynguna atay ti mas higit waya sa kan Sulumun, dapat unman kamu magpatingi sa kanya.

Hibriyu 7:26

Si Hisus imaw gid ti pangulu manughandug kanta kailangan. Banal siya, unman gid may kasalanan, unman may huput una di ga buhuk, apinablag siya ginan sa manga makasalanan, ag binwat siya mataas man sa langit.