Lukas 11:22 - Hanunuu

²² Dapat nu labanan siya lalu mabisug pag tawu, talu siya, bag-u bul-un sa kanya ti armas kay pagsarigan hanggan kay naagaw pag manga butang paghuray-hurayun.

Lukas 11:22 Iomraidhean Croise

Gimpuunan 3:15

Kawu hanggan ti babayi man-arawayan. Kanmu linahi hanggan kanya pag linahi man-arawayan diman. Runutun niya kanmu ulu ag kagtun nimu kay bingul.”

Pag-ighit 15:9

Magkun ti kalaban magpayabang, ‘Lagsun niku sida ag dakpun; ayaw-ayawun niku kanda kayamanan ag pasawaan niku kang sadili. Gabutun niku kang baladaw ag rurisun sida.’

Isayas 27:1

Sa ati pag sirang, gamitun Panginuun kay matarum ag makamaskihan pag baladaw hampay matyun ti Libyatan, ti maliksi ag magyapang pag daragun sa kalalawdan.

Isayas 53:12

Dahil siyun, dayawun niku siya parihu sa bantug pag tawu ag makapangyarihan dahil ipinakaun niya kay buhi. Imininsan siya usa sa manga makasalanan ag hinagad waya niya sa Diyus kuntay sida patawadun.”

Lukas 11:21

“Nu ti mabisug pag tawu armadu magbantay sa kay balay, unman may makagaraw kay manga butang.

Lukas 11:23

Ti unman pabliwa sa kangku, kalaban niku. Ti unman umawat sa kangku sa kang magpatipun, imaw ti magwatak.”

Ipisu 6:11

Isulung niyu ti panangga kay ipinakaun Diyus sa kanyu, hampay may panlaban kamu sa kay manga paraan diyablu.

Ipisu 6:13

Nakan ngani isulung niyu ti panangga ginan sa Diyus. Nu katunda makatiis kamu sa kanyu maglaban nu rumas-ug ti daut pag udas. Bag-u nu matapus tunda kanyu naglaban, marig-un diman kamu sa kanyu pagsarig sa Panginuun.

Kulusas 2:15

Sa panab-anan niya kamatayan sa kurus, dinaug ni Kiristu ti tanan may kamaskihan hanggan kapangyarihan sa kalibutan, ipinakakit niya sa kayamuan tawu kay nanalu sa kanda.

1 Huwan 3:8

Nu magpadayun sa kasalanan ti tawu, sakup waya siya diyablu, dahil kaybi ginan hanggan taynguna tugka magkasala diman ti diyablu. Nakan nagsitay ti Anak Diyus hampay wasakun niya ti buwat diyablu.

1 Huwan 4:4

Manga anak, kamu duy sa Diyus, dinaug yi niyu ti manga pudilun pag purupita, dahil una makapangyarihan ti sa kalibutan, lalu man mamaski ti Ispiritu Banal, imaw ti nangulian sa kanyu.