Lukas 10:42 - Hanunuu

⁴² Usa lang ka bagay gid ti mahalaga, kan Marya pinili ti mayad gid, balaw mab-ul ginan sa kanya.”

Lukas 10:42 Iomraidhean Croise

Kanta 119:111

Kanmu manga tudlu imaw ti mahalaga niku pag kasiyunan sa unman may katapusan, dahil imaw inda kang kabayaan.

Kanta 119:173

Mana alistu kawu pirmi sa pag-awat sa kangku, dahil pinili niku ti pagsunud sa kanmu manga surundanun.

Kanta 119:30

Pinili niku ti matadlung pag dalan; gustu gid niku sumunud sa kanmu manga sugu.

Kanta 142:5

Magtawag aku sa kanmu, Panginuun; kawu kang palalan-iban, kawu lang gid ti kang kailangan sitay sa kalibutan.

Kanta 17:15

Dapat aku inda makakit sa kanmu dahil unman aku may nabwat kasalanan. Sa kang pag-ipulaw makabaya gid aku makakit sa kanmu.

Kanta 27:4

Usa ka bagay kang paghagadun sa Panginuun, inda kang gid pagkaibgan: ti makaulian aku sa kay Balay habang buhi aku, agud makitan niku kay kadayawan, ag hilingun sa kanya giyahan niya aku.

Kanta 73:25

Unman yi may iba waya sa langit kang pagkailanganun nu unman kawu lang. Dahil kawu atay sa kangku, udyi aku may iba waya paghangadun sa kalibutan.

Manugtudlu 12:13

Taynguna nabasa nimu inda tanan, inda kang uryan patigayun: Paggalang kawu sa Diyus ag sunda kay manga sugu, dahil imaw inda ti katungkulan kada tawu.

Markus 8:36

Hintay ti makinabangan tawu una maapu niya ti bilug kalibutan nu kay kinabuhi ti kabaydanan?

Lukas 10:39

Kan Marta ari si Marya, ag si Marya matukawan sa arani Panginuun magpatingi sa kay bagaw.

Lukas 11:1

Pagka dugay nandarangin si Hisus sa usa ka rugar. Pagka nakatapus kay darangin magkun ti usa ka tuludluan sa kanya, “Panginuun, tudlui nimu kami darangin parihu sa kan Huwan nanudlu sa kay manga tuludluan.”

Lukas 12:20

Dapat kay sabi Diyus sa kanya, ‘Kawu pag tawu ga ud may namuangan. Sab yabi bul-un yi niku kam buhi. Kanmu itinigana hamnu kantapu yi nguna aban tida?’ ”

Lukas 12:33

Ipabili niyu kanyu manga kasiyunan bag-u pagpakaun sa manga pugri kay kabilyanan. Pag-alistu kamu kanyu sukluban balaw magkadaut, tipunun niyu kanyu kayamanan sa langit. Ati unman mabawas ti kayamanan, una mananakaw, una tipakung dayu gumaraw.

Lukas 16:2

Tinawag niya amu kay katiwala bag-u kay pinaingana, ‘Hintay inda duy kang nabaritaan tungkul sa kanmu? Tultula mayad-mayad kanta kayamanan naan yi duy, dahil udyi kawu mahimu mag-alaga.’

Lukas 16:25

“Dapat magkun si Abraham, ‘Anak, isipa dapu nimu. Kawu nu sa babaw waya daga, kanmu nakitan kanmu hinanap pag manga kaayadan. Si Lasaru nu sa babaw waya daga nalakawan yi niya ti kakurian. Dapat taynguna pinakan-an siya kaayadan sitay, kawu maan ti sa makuri.

Lukas 18:22

Pagka nadnugan ni Hisus inda, sinabi niya sa lalaki magkun, “Usa waya ka bagay ti kurang sa kanmu. Pabilyan nimu ti tanan nimu kasiyunan. Nu nipabili yi ayaw-ayawa kay kabilyanan sa manga pugri hampay makatanggap kawu kayamanan sa langit. Bag-u pagsitay maan kawu pagkuyug yi sa kangku.”

Lukas 8:18

“Isipa niyu nu kabitay kanyu magpatingi. Dahil una hintay pag tawu ti may imaw dugangan waya. Una hintay pag tawu ti unman may imaw, una ti pagsarigan mana niya bul-un diman gid aban ginan sa kanya.”

Huwan 11:1

Ati sa baryu Bitanya may mag-uli usa ka tawu kay ngaran si Lasaru. Pagka dugay nasakit si Lasaru. Siyun diman sa Bitanya pag mag-uli kay manga patar-ari sida ni Marya ni Marta.

Huwan 11:19

Mayamu pag manga Hudiyu nagsabang sa kanda ni Marta ni Marya hampay magpasaya sa kanda karukuan tungkul sa kanda patar-ari.

Huwan 12:3

Bag-u binulwat ni Marya ti tunga litru pag pamanglu. Tunda pag pamanglu bin-ul ginan sa usa ka halaman kay ngaran nardu. Tutuu daka kay halaga tunda pag pamanglu. Kan Marya ibinuhus tunda sa kay lulud ni Hisus bag-u pinayid niya buhuk. Napnu gid ti usa ka balay sa hungaw pamanglu.

Huwan 17:3

Inda yi ngani ti ibug sabihun buhi unman may katapusan nu kilalan-un tawu kawu lang ti tutuu gid pag Diyus ag nu kilalan-un niya si Hisu-Kiristu, ti sinugu nimu.

Huwan 4:14

Dapat dayi gid uwawun ti tawu una kapira aban nu inmun niya ti danum kang ipakaun sa kanya. Dahil ti danum kang ipakaun sa kanya bumaliw ga bulbugan sa kay tagipusuun may danum magpakaun buhi. Tunda pag danum tigpakaun buhi unman may katapusan.”

Huwan 5:24

“Ungud duy kang pagsabihun sa kanyu, nu ti tawu magtanggap sa kang bagaw ag magsarig sa Diyus sa nagsugu sa kangku, tunda pag tawu may tutuu pag buhi unman may katapusan. Balaw yi sakup siya sa sintinsiya aban. Kay patabgan balaw yi kamatayan, bagkus ngap buhi kay patabgan.

Huwan 6:27

Danga kamu magbudlay tungkul lang sa karan-unun magkabangsiw. Pagmasigasid kamu hampay matanggap niyu ti karan-unun unman magkabangsiw, imaw ti makapakaun tutuu pag buhi unman may katapusan. Tunda ngani pag karan-unun ti ipakaun Anak Tawu sa kanyu dahil may tinanggap siya karampatan ginan sa Diyus Ama.”

1 Kurintu 13:3

Una ipakaun niku ti tanan-tanan niku kasiyunan sa manga pugri ag una ipakaun waya niku kang bilug hampay sunugun bag-u unman aku may pagmahal, unman gid aku may pakinabang.

Galasya 5:6

Nu ti tawu magpakiusa sa kan Kiristu Hisus, unman mahalaga sa kanya una siya tinuri una unman tinuri. Ti mahalaga lang nu kita magsarig sa kan Kiristu ag nu kanta pagmahalun ti manga iba dahil sa kanta pagsarig sa kanya.

Diyuturunumiyu 30:19

“Taynguna pag sirang, nagtawag aku sa langit ag daga hampay kumastigus nu naan sitaay kanyu piliun: buhi ngatay kamatayan, papalad ngatay saad. Pilia mana niyu ti buhi hampay mabuhi kamu dugay hanggan kanyu manga anak.

Huswi 24:15

Dapat nu dayu kamu manirbi sa Panginuun, mamili kamu taynguna pag sirang nu si unu kanyu sirbihan. Manirbi aw lugud kamu sa manga diyus pag sirbihan niyu manga ginurang sa baliw dipay Sapa Iyupratis, ngatay sa manga diyus manga Amuriyu kanda daga taynguna kanyu pag-ulian. Dapat aku inda hanggan kang magtal-anakan mansirbi sa Panginuun.”

Huswi 24:22

Magkun si Huswi, “Kamu mismu ti manga patunay sa kanyu sadili kuntay manirbi kamu sa Panginuun.” Nagsagut sida, “Hu, manga kastigus kami.”