Lukas 10:37 - Hanunuu

³⁷ Magkun ti manugtudlu Kasuguan, “Tunda yi ngani ti nagkaawa nangawat sa tawu sinaktan.” Magkun si Hisus sa kanya, “Ta, katunda yi ngani buwata nimu.”

Lukas 10:37 Iomraidhean Croise

Kabagawan 14:21

Kasalanan ti magpuya sa kay kaparihu pugri, dapat mapalad ti tawu mainawatun sa pugri.

Husyas 6:6

Dahil balaw kanyu manga handug kang pagkaibgan nu unman kanyu pagmahal. Mas gustu waya niku kilalan-un niyu aku kaysa manhandug kamu manga handug pagsunugun.

Mikas 6:8

Sinmagut si Mikas: “Tinudluan yi kita Panginuun nu hintay ti mayad. Inda ti gustu niya buwatun nita: Buwatun nita ti matadlung, palabihun nita ti maawaun sa iba ag pagmapinakumbabaun kita sa pagsunud sa kanta Diyus.”

Matiyu 20:28

Katunda diman ti Anak Tawu, nagsitay balaw hampay sirbihan nu unman hampay siya magsirbi, ag hampay ipakaun niya kay buhi sa kamatayan agud mayamu ti malukat.”

Matiyu 23:23

“Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Dahil kamu magpakaun ikasampulu manga pamanglu sa upi hanggan tanan manga urupiun, dapat unman niyu pagtupadun ti mas mahalaga pag sugu tungkul sa katadlungan hanggan sa maawaun ag matinupadun. Dahil magpakampi kamu sa kadautan, unman kamu maawaun, unman diman matinupadun. Balaw salan kamu sa kanyu magpakaun ikasampulu, dapat danga waydi niyu paglimti pagtupada ti mas mahalaga pag manga sugu.

Lukas 10:36

Magkun si Hisus, “Kanmu isip hintay sa kanda tulu ti nakapag-alaala sa kay kaparihu tawu pinuutan manga tulisan sa dalan?”

Lukas 10:38

Sa kanda naglakaw, rinmas-ug si Hisus sa usa ka baryu. May babayi siyun pag baryu, kay ngaran si Marta. Ipinasaka niya si Hisus sa kay balay.

2 Kurintu 8:9

Alam niyu nu kabitay kadaka kay pagmahal nita Panginuun Hisu-Kiristu. Madi mayaman nagpakipugri siya hampay yumaman kamu ginan sa kay kapugrihan.

Ipisu 5:2

Pag-ugali kamu lubus may pagmahal parihu sa kan Kiristu. Dahil sa kay pagmahal sa kanta, ipinakaun niya kay buhi, minatay siya ga usa ka mabanglu pag handug pagbayaun Diyus.

1 Pidru 2:21

Imaw yi ngani kay turunu Diyus sa kanyu pagka kamu pinili niya. Si Kiristu diman nagtiis para sa kanyu, pinakakitan niya kamu mustara hampay kanyu huwadun.

Ipinakakit 1:5

Pagsa kanyu diman ti papalad ginan sa kan Hisu-Kiristu, imaw ti tutuu masarigan pag manugpadakit, ti un-an nabuhi uman ginan sa kamatayan, ti Hari tanan manga hari sa babaw daga. Pagmahalun niya kita ag dahil sa kay dugu pag irinibri niya kita sa kanta manga kasalanan.