Lukas 10:31 - Hanunuu

³¹ Nakalakaw diman siyun lakaw pag dalan ti usa ka manughandug. Pagka nakitan niya tunda pag tawu, nag-ibay siya.

Lukas 10:31 Iomraidhean Croise

2 Samwil 1:6

Itinultul kan-akan ti nangyari, “Nitpung lang ati duy aku sa Bantud Gilbuwa, ag nakitan niku ati si Saul maslandigan sa kay bangkaw. Magpakarani yi sa kanya ti manga kalaban masakyan sa manga kalisa hanggan kabayu.

Kanta 142:4

Bantayi lugud sa kang sangput, una si unu unman gid may nangawat sa kangku. Unman yi may mag-alaga ag magpasunaid sa kangku.

Kanta 69:20

Nabyatan aku sa kanda magpakay-a sa kangku ag nag-alangan kang buut. Nangalagad aku hampay kaawaan, dapat unman gid may naawa. Nangalagad aku hampay may manpasulung, dapat unman gid may nagpasulung.

Kabagawan 21:13

Nu unman nimu pagpansinun ti manga pugri, balaw diman kawu pansinun nu manhagad kawu awat.

Manugtudlu 9:11

May nakitan waya gid aku sitay sa kalibutan: Unman tanan mabisug magpalagiw magpanalu sa lalagsan, ag balaw tanan mabisug magpanalu sa labanan. Unman tanan madunung makakit karabuhian, unman tanan madunung magyaman, ag unman tanan may kakayahan magpanalu. Nakan magras-ug sa kada tawu kanya aratubangun.

Isayas 58:7

Pakan-i niyu karan-unun ti manga magkalun-us, ipatahan niyu sa kanyu ulian ti unman may ulian, ayawi niyu rutay ti unman may rutay, ag awati niyu kanyu manga katawuhan.

Hirimyas 5:31

Ti manga purupita magpaburayhaw kapudilan. Ti manga manughandug magdumara angay sa sadili nida kapangyarihan. Katida ti pagkaibgan manga nasakupan niku. Dapat unu ti buwatun nida nu rumas-ug yi ti katapusan?”

Husyas 5:1

Magkun waya ti Panginuun, “Pagpatingi kamu, nasakupan Israil, hanggan kamu pag manga manughandug ag manga mimru magtal-anakan hari, dahil inda pag sintinsiya laban sa kanyu: Ga suduk kamu, dahil pinatalang niyu ti manga nasakupan Mispa hanggan Tabur.

Husyas 6:9

Kanyu manga manughandug ga gurupu manga tulisan magtanud kanda unu-unuhun. Magmatay sida sa dalan atabug sa Sikim, ag una wadi hintay pag makakaray-a buwat kanda pagbuwatun.

Malakyas 1:10

Magkun ti Panginuun Makamaskihan, “Mana may usa sa kanyu sa manga manughandug ti tumalakup sa manga sabian niku Balay, hampay balaw yi kamu magpamakut unman may pulus pag apuy sa kang harandugan. Balaw niku tanggapun kanyu manga handug, dahil balaw aku magbaya sa kanyu.

Lukas 10:30

Sinmagut maan si Hisus magkun, “May usa ka tawu maglus-ug ginan sa Hirusalim tag sa Hiriku. Pagka sa dalan pinuutan siya manga tulisan. Kanda inagaw kay manga dara bag-u sinaktan, kanda magtayak magkamatay yi.

Lukas 10:32

Hanggan ti usa ka Libita nakalakaw waydi ati pag dalan. Pagka nakaduaw siya siyun pag tawu, naparargu siya kay lakaw.