Lukas 10:27 - Hanunuu

²⁷ Sinmagut siya magkun, “Ilubus nimu kanmu tagipusuun, kanmu karadwa, kanmu kabisugan hanggan kanmu pag-iisip sa kanmu pagmahal sa kanmu Panginuun Diyus. Mahala nimu kanmu kaparihu tawu ga kanmu diman pagmahal sa kanmu sadili.”

Lukas 10:27 Iomraidhean Croise

Libitiku 19:18

Danga kamu magbalus hanggan magdumut sa iba, bagkus ngap mahalun niyu kanyu kaparihu parihu sa kanyu magmahal sa kanyu sadili. Aku ti Panginuun.

Matiyu 19:19

Galanga nimu kanmu ama kanmu ina. Mahala nimu kanmu kaparihu tawu ga kanmu diman pagmahal sa kanmu sadili.”

Lukas 10:26

Magkun si Hisus sa kanya, “Hintay ti isinurat sa Kasuguan, kabitay lugud pag nabasa nimu asan?”

Ruma 13:9

Ti manga sugu Diyus magkun, “Danga kawu mag-uragin, danga kawu maglibun tawu, danga kawu magtakaw, danga kawu maghirak,” ag una hintay waya pag manga sugu parihu sa kainda. Tunda tanan-tanan namhan sa inda pag hampang magkun, “Mahala nimu kanmu kaparihu parihu sa kanmu sadili.”

Galasya 5:13

Manga patar-ari, pinili kamu hampay balaw panawuhun Kasuguan. Pagka kainda kamu balaw yi panawuhun, danga waydi pasibut-an yi lang niyu ti daut kagustuhan niyu naisipan. Kailangan ngap pasibut-an niyu kanyu pagmahal, hampay magsirirbihan kamu sa usa kag sa usa.

Diyuturunumiyu 10:12

“Bag-u taynguna, nasakupan Israil, ti paghilingun lang sa kanyu Panginuun niyu Diyus paggalang kamu sa kanya, pagpangabuhi angay sa kay manga kagustuhan, mahala siya, pagsirbi sa kanya sa buu niyu tagipusuun hanggan karadwa,

Diyuturunumiyu 30:6

Bag-uhun Panginuun niyu Diyus kanyu manga tagipusuun hanggan ti tagipusuun niyu manga katawuhan hampay mahalun niyu siya sa buu tagipusuun ag karadwa, ag mabuhi kamu dugay.

Diyuturunumiyu 6:4

“Pagpatingi kamu, manga nasakupan Israil: Ti Panginuun nita Diyus imaw lang ti Panginuun.

Diyuturunumiyu 6:5

Mahala niyu buu tagipusuun ti Panginuun niyu Diyus, buu karadwa ag buu niyu kabisugan.

Hibriyu 8:10

Magkun ti Panginuun, “Pagkatapus ati, buwatun niku inda pag taratu sa nasyun Israil. Ipauli niku kang manga Kasuguan sa kanda naisipan, ag isurat sa kanda manga tagipusuun. Aku kanda yi Diyus aban, sida aban kang yi nasyun.

Santiyagu 2:8

Masulung kanyu pagbuwatun nu magtupad lang kamu sa mahalaga pag sugu Diyus nisurat sa Banal Kasuratan magkun, “Mahala nimu kanmu kaparihu ga kanmu diman waydi sadili bilug.”

1 Huwan 3:18

Danga tugka lang sa bagaw kanta pagmahal. Danga babaw lang lukub. Pakitan niyu ti tutuu gid pagmahal may patapil buwat.