Lukas 10:26 - Hanunuu

²⁶ Magkun si Hisus sa kanya, “Hintay ti isinurat sa Kasuguan, kabitay lugud pag nabasa nimu asan?”

Lukas 10:26 Iomraidhean Croise

Isayas 8:20

Ti kasuguan ag ti itinudlu Panginuun ti kailangan niyu patingihan. Nu may magsabi manga bagay salumpang sa manga pag-itudlu Panginuun, magkadluman waya kay naisipan tunda pag tawu.

Lukas 10:25

Bag-u nagpakarani ti usa ka manugtudlu Kasuguan, kay pagsubukan niya si Hisus magkun, “Maisturu, hintay kang buwatun hampay makatanggap aku buhi unman may katapusan?”

Lukas 10:27

Sinmagut siya magkun, “Ilubus nimu kanmu tagipusuun, kanmu karadwa, kanmu kabisugan hanggan kanmu pag-iisip sa kanmu pagmahal sa kanmu Panginuun Diyus. Mahala nimu kanmu kaparihu tawu ga kanmu diman pagmahal sa kanmu sadili.”

Ruma 10:5

Kainda kay sinurat ni Muysis tungkul sa kay pagkilala Diyus sa tawu kuntay matadlung nu sida magtupad sa Kasuguan. Magkun siya, “Ti tawu nu magtupad sa Kasuguan, may buhi siya sa panab-anan waydi Kasuguan.”

Ruma 3:19

Alam yi nita una hintay ti pagsabihun sa Kasuguan, sinabi yi ngani sa manga napasakup sa Kasuguan, hampay una si unu pag tawu balaw yi may isingyanan ag ti tanan-tanan tawu may kapanagutan nu sa kaudasan sintinsiya Diyus.