Lukas 10:25 - Hanunuu

²⁵ Bag-u nagpakarani ti usa ka manugtudlu Kasuguan, kay pagsubukan niya si Hisus magkun, “Maisturu, hintay kang buwatun hampay makatanggap aku buhi unman may katapusan?”

Lukas 10:25 Iomraidhean Croise

Markus 10:17

Pagka magkalakaw yi maan si Hisus, may usa ka tawu nalagiw tag sa kanya, nagluhud sa kay atubangan bag-u namaingana sa kan Hisus magkun, “Mayad pag Maisturu, hintay nguna kang buwatun hampay matanggap niku ti buhi unman may katapusan?”

Markus 10:3

Nagsagut si Hisus magkun, “Hintay kay bilin ni Muysis sa kanyu?”

Markus 12:28

Siyun diman ti usa ka manugtudlu Kasuguan. Nadnugan niya kanda magdiribatihan. Nasaydan niya mahusay kay nagsagut ni Hisus sa manga Sadusiyu. Nakan ngani nagpakarani siya sa kan Hisus nagpaingana magkun, “Hintay duy pag sugu ti pinakamahalaga?”

Lukas 10:24

Dahil kang gid pagsabihun sa kanyu, mayamu pag manga purupita hanggan manga hari ti naggagad sa kanyu mag-akitan mata dapat sida udyi nakakit, kanda mana gustu sida makadnug dapat udyi sida nakadnug.”

Lukas 10:26

Magkun si Hisus sa kanya, “Hintay ti isinurat sa Kasuguan, kabitay lugud pag nabasa nimu asan?”

Lukas 18:18

May usa ka paggurangunun manga Hudiyu ti nagpaingana sa kan Hisus magkun, “Mayad pag Maisturu, hintay nguna kang buwatun hampay matanggap niku ti buhi unman may katapusan?”

Lukas 7:30

Dapat ti manga Parisiyu hanggan ti manga manugtudlu Kasuguan nagpalamada lang sa turunu Diyus, unman napatulbaw sa kan Huwan.

Huwan 8:6

Katida kanda ipinaingana sa kan Hisus hampay pasalanun siya sa kay bagaw para may misumbung sida laban sa kanya. Nagtiyundug si Hisus kay isinurat kay ituturu sa daga.

Galasya 3:18

Nu abi ipamana Diyus kay itinaratu sa tawu nu siya magtupad sa Kasuguan, udyi tunda angay sa kay itinaratu Diyus. Dapat ay ipinakaun ngap Diyus kay itinaratu sa kan Abraham angay sa kay magtupad Diyus sa kay taratu.