Lukas 10:21 - Hanunuu

²¹ Ati katpung pinakan-an si Hisus lubus pag kabayaan Ispiritu Banal. Kay sinabi, “Magpasalamat aku sa kanmu, Amang, kawu ti Panginuun sa langit hanggan sa daga. Magpasalamat aku dahil unman ipinaalam nimu inda pag manga bagay sa manga madunung ag sa manga mapininsarun, dapat ipinakilala ngapu nimu sa manga tawu ga anak kay tagipusuun. Hu ngani duy Amang, dahil katunda yi kanmu kagustuhan.

Lukas 10:21 Iomraidhean Croise

Kanta 24:1

Ti buu kalibutan hanggan ti tanan atay Panginuun ti may apu.

Kanta 25:14

Panginuun, arani kawu sa manga tawu maggalang sa kanmu ag pag-ipaalaala nimu sa kanda kanmu kasunduan.

Kanta 8:2

Una ngani ti dariit pag manga anak tinudluan nimu magdayaw sa kanmu, agud mangay-a kanmu manga kalaban magkaibug manbalus.

Isayas 29:14

Nakan utru aku bumuwat dasun-dasun pag makadululaw sa inda pag manga tawu. Ag madura ti kadunungan manga madunung hanggan ti pan-intindi manga may intindi.”

Isayas 35:8

Magkaimaw laun pag baklayan sa pangawakawaan ag tida ingarnan, “Banal pag Baklayan.” Unman may makasalanan ngatay unman may namuangan ti makalakaw siti. Nu ud ti manga magsunud lang sa Panginuun.

Isayas 53:11

Nu makitan niya kay burak niya kakurian, makabaya siya. Magkun ti Panginuun, “Sa panab-anan kadunungan niku matadlung pag manugsirbi, mayamu ti kilalan-un niya matadlung, mangagwanta siya para sa kanda manga kasalanan.

Isayas 62:5

Siya ti naglalang sa kanmu mangasawa sa kanmu bilang ga usa ka kan-akan ipaasawa sa usa ka tugnaw pag daraga. Ag nu abitay ti aguman lalaki magbaya sa kay aguman babayi, ti Diyus magbaya diman sa kanmu.

Isayas 66:1

Inda ti pagsabihun Panginuun, “Ti langit kang tukawan hari, ag ti daga kang tarat-an lulud. Nakan hintay pag kalasi balay ti ipatindug niyu para sa kangku? Naan niyu aku pag-ipahari pag rugar?

Sipanyas 3:17

Dahil kaibahan niyu ti Panginuun niyu Diyus. Parihu siya sa usa ka makamaskihan pag sundalu manribri sa kanyu. Makabaya gid siya sa kanyu, ag sa panab-anan niya pagmahal bag-uhun niya kanyu buhi. Manganta siya ag manhuyaw may kabayaan dahil sa kanyu,

Matiyu 16:17

Nagsabi si Hisus sa kanya, “Pinapaladan kawu duy, Simun anak ni Hunas, dahil inda pag katutuuhanan unman tawu ti nagpakilala sa kanmu nu unman kang Ama sa langit.

Matiyu 21:16

Nakan ti manga pangulu manughandug hanggan ti manga manugtudlu Kasuguan magkun sa kan Hisus, “Nadnugan aw nimu ti manga pagsabihun nida?” Magkun si Hisus sa kanda, “Hu. Unman waya aw lugud kanyu binasa ti isinurat magkun, ‘Ginan sa bibig manga lapsag hanggan magsusu waya pag manga anak kinamhan nimu ti pagdayaw sa kanmu.’”

Matiyu 3:7

Pagka nakitan ni Huwan aduk pag manga Parisiyu hanggan Sadusiyu ti nagdulud diman sa kay magtulbaw, magkun siya sa kanda, “Kamu ga lahi manga ulay. Si unu ti magsabi sa kanyu kuntay makapalagiw kamu sa sintinsiya Diyus aban?

Markus 10:15

Ungud duy kang pagsabihun sa kanyu, una hintay pag tawu ti unman ga anak kay magpasakup sa kay paghari Diyus, balaw kabilang sa manga tawu pagharian Diyus.”

Lukas 15:5

Pagka nakitan niya, kay pas-anun gid may kabayaan.

Lukas 15:9

Pagka nakitan niya, kay tipunun niya kay manga kakilala hanggan kay manga kamalay magkun sa kanda, ‘Pagmasulung gid duy kita tanan, dahil nakitan yi niku kang usa ka bilug kuwarta nalyam.’ ”

Huwan 11:41

Bin-ul ngani nida ti batu. Nagtangda si Hisus magkun, “Magpasalamat aku, Amang, sa kanmu dahil nadnugan nimu aku.

2 Kurintu 4:3

Dapat nu unman may makaintindi sa Mayad pag Barita kanmi pag-itudlu, tunda manga tawu midamhak.

Ipisu 1:11

Dahil sa kan Kiristu, kami ti pinili Diyus ag ibinukud hampay kanya. Diyus ti nagbuwat tanan bagay angay sa kay turunu niya kagustuhan. Kainda kay turunu niya gayak,

Ipisu 1:5

kita kay ihinanda daan hampay kay yi manga anak sa panab-anan ni Hisu-Kiristu. Imaw kay turunu kagustuhan Diyus.