Lukas 10:18 - Hanunuu

¹⁸ Sinabi ni Hisus sa kanda, “Nakitan niku si Satanas nalagpak ginan sa langit parihu sa kilat.

Lukas 10:18 Iomraidhean Croise

Isayas 14:12

“Nalagpak kawu ginan sa langit, imaw ti pag-ingarnan Kuramnag sa Surip, Anak Magbutlak-init. Ipinakababa kawu sa daga, kawu ti nagpaampu sa manga nasyun.

Matiyu 4:10

Bag-u sinabi ni Hisus sa kanya, “Pagpakarayu kawu, Satanas, dahil nisurat sa Banal Kasuratan, ‘Sambahun nimu ti Diyus imaw kanmu Panginuun. Siya lang kanmu sirbihan.’ ”

Huwan 12:31

Taynguna yi ti kaudasan hampay pihuun Diyus ti manga tawu sa babaw daga nu daut nu mayad. Taynguna tulakun yi tag sa luwas ti pangulu inda pag kalibutan.

Huwan 16:11

Ipakakit diman niya sa kanda ti Diyus sumintinsiya sa kanda, dahil nasintinsiyahan yi si Satanas imaw ti maghari sa kalibutan.

Hibriyu 2:14

Tawu ngani tunda kay pagkumnun manga anak, nakan si Hisus nabilug diman tawu may nayi may dugu ga kanda diman may nayi may dugu. Nakan katida kay binwat, hampay sa kay pagkamatay mamapas siya sa diyablu, sa may kapangyarihan sa kamatayan,

1 Huwan 3:8

Nu magpadayun sa kasalanan ti tawu, sakup waya siya diyablu, dahil kaybi ginan hanggan taynguna tugka magkasala diman ti diyablu. Nakan nagsitay ti Anak Diyus hampay wasakun niya ti buwat diyablu.

Ipinakakit 20:2

Dinuksulan niya ti daragun, imaw ti gurangun pag ulay, siya diman hanggan ti pagkumnun diyablu, kay usa ka ngaran si Satanas. Ginapus siya anghil sa sulud usa ka libu ka timpu.

Ipinakakit 9:1

Pagka inyup ikalima pag anghil kay budyung, nakitan niku ti usa ka pamgasan nalagpak sa daga. Ipinakaun sa kanya ti susi pamukas sa kaabasad-basadan.