Lukas 1:8 - Hanunuu

⁸ Pagka may katungkulan kay gurupu ni Sakaryas, nag-asikasu siya sa kay buruwatun sa atubangan Diyus.

Lukas 1:8 Iomraidhean Croise

1 Krunika 24:19

Inda sida nagbuwat kanda manga katungdanan sa Balay Diyus Panginuun angay sa surundanun ipinakaun nida ginurang si Aarun ginan sa Panginuun, ti Diyus Israil.

1 Krunika 24:2

Dapat un-an namatay si Nadab ag si Abihu sa kanda ama, ag unman sida may manga anak; nakan ti nagsirbi bilang manga manughandug si Iliyasar ag si Itamar.

2 Krunika 11:14

Ti manga linahi inda ni Libi tinayakan kanda balay ag daga ag napasalyu sa Huda ag Hirusalim dahil binugyahan sida ni Hirubuam ag niya manga anak bilang manga manughandug Panginuun.

2 Krunika 31:19

Tungkul waydi sa manga manughandug kay lahi ni Aarun, mag-uli sa manga katanmanan sa sangput manga banwa ag sa tuhay pag manga banwa, may manga tawu piniyaran mangayaw kanda bahagi ag sa bahagi tanan Libita nakalista sa listahan nida manga linahi.

2 Krunika 31:2

Pinuru-puru ni Hari Isikyas ti manga manughandug ag ti manga Libita angay sa kanda buruwatun sa Balay Diyus Panginuun hampay magpakaun manga handug manga pagsunugun ag manga handug para sa mayad pag pakiusa, hampay magpasalamat ag kumanta pagdayaw sa manga sabian Balay Diyus.

2 Krunika 8:14

Ag angay sa surundanun niya ama ni Dabid, ginurupu niya ti manga manughandug hanggan ti manga Libita para sa kanda manga buruwatun. Ti manga Libita imaw ti mag-una sa manga tawu sa pagdayaw sa Diyus ag sida ti mag-awat sa manga manughandug sa kanda buruwatun sa Balay Diyus sirang-sirang. Ginurupu diman niya ti manga guwardiya sa kada sabian sa Balay Diyus, dahil inda ti sugu ni Dabid ti manugsirbi Diyus.

Isra 6:18

Itinigana nida ti manga manughandug ag manga Libita sa kanda katungkulan sa Balay Diyus Hirusalim angay sa nakasurat sa Ribru ni Muysis.

Pag-ighit 28:1

“Ipablag nimu sa manga tawu si Aarun kanmu patar-ari hanggan kay manga anak lalaki sida ni Nadab, ni Abihu, ni Iliyasar ag ni Itamar hampay magsirbi sida sa kangku bilang manughandug.

Pag-ighit 28:41

Ipasulung nimu ti manga rutay sa kanmu patar-ari sa kan Aarun ag sa kay manga anak lalaki, bag-u payidan nimu sida lana ulibu ag itigana sa buruwatun. Ipablag nimu sida sa kangku hampay makasirbi sida sa kangku bilang manga manughandug.

Pag-ighit 29:1

“Inda ti buwatun nimu sa pagtalaga sa kan Aarun hanggan sa kay manga anak lalaki hampay makasirbi sida sa kangku bilang manga manughandug. Pagbuul kawu usa ka turiti baka ag duwa ka lalaki karanidu unman may alangan.

Pag-ighit 29:44

Hu, buwatun niku banal ti Turda Tiripnan hanggan ti harandugan, ag ipablag niku si Aarun hanggan kay manga anak hampay sumirbi sa kangku bilang manga manughandug.

Pag-ighit 29:9

pantaung hanggan huragkus. Bumaliw sida manughandug hanggan aban. Sa kainda pag paraan iintirga nimu si Aarun hanggan kay manga anak.

Pag-ighit 30:30

“Payidan diman nimu lana ulibu si Aarun hanggan kay manga anak bilang pagtalaga sa kanda, hampay makasirbi sida sa kangku bilang manga manughandug.

Bilang 18:7

Dapat kawu lang hanggan kanmu manga anak ti makasirbi bilang manga manughandug. Kamu lang ti makabuwat manga buruwatun may kalabutan sa harandugan ag sa Pinakabanal pag Sulud-sulud. Pakaun niku sa kanyu ti pagkamanughandug niyu. Una si unu ti bumuwat inda balaw manughandug kailangan matyun.”

Lukas 1:5

Sa kapanahunan hari si Hirudis sa Hudiya, may usa ka manughandug kay ngaran si Sakaryas sa gurupu ni Abyas. Kan Sakaryas inasawa si Ilisabit, lahi ni Aarun.

Lukas 1:7

Unman sida may anak dahil unman nagkaanak si Ilisabit, ag parihu yi gurangun.