Lukas 1:78 - Hanunuu

⁷⁸ Sa mahal pangaawa Diyus nita, ipadara niya sa kanta ti Manugribri, parihu sa pagsinggit init.

Lukas 1:78 Iomraidhean Croise

Kanta 25:6

Panginuun, alalahana kanmu pangaawa hanggan pagmahal, kanmu ipinakakit ginan di waya sa kabag-u.

Isayas 11:1

Ti makahari pag linahi ni Dabid ga puun pinlud. Dapat nu kabitay ti tuud magsalingsing, rumas-ug diman ti usa ka bag-u pag hari ginan sa linahi ni Dabid.

Isayas 42:16

Abatun niku kang manga nasakupan buta sa katutuuhanan, tabug sa dalan udwaya nida nalakawan. Rayawan niku ti paglakawan nida madlum ag tadlungun niku ti manga nangunha-kunha pag dalan kanda paglakawan. Buwatun niku inda ag balaw niku sida pabay-anan.

Isayas 63:15

Bantayan duy nimu kami ginan sa langit, imaw kanmu banal ag abwat pag ulian. Naan yi kanmu pasunaid sa kanmi hanggan kanmu ipinakakit pag kamaskihan kaybi sa kanmi? Naan yi kanmu pagmahal ag pangaawa sa kanmi?

Isayas 63:7

Ipaburayhaw niku ti pagmahal Panginuun. Dayawun niku siya sa tanan niya pag binwat sa kanta. Pagkayamu kay binwat sa kanta sa kay nasakupan Israil dahil sa daka niya pag pangaawa ag pagmahal.

Sakaryas 3:8

Taynguna, pagpatingi kawu, Huswi pangulu manughandug: Kawu hanggan ti manga kaparihu nimu manughandug tanda sa manga pararas-ugun mangyari. Itultul niku kang suruguun pag-ingarnan Sanga.

Sakaryas 6:12

Sabihi siya aku, ti Panginuun Makamaskihan, magkun, ‘Ti pag-ingarnan Sanga pag tawu umabunda sa kay kahamtangan taynguna, ipatindug maan niya kang Balay. Parangalan siya bilang hari ag manpamahala. Ti manughandug tumindug sa arani niya tukawan ag magkaimaw sida marinu pag ugnayan.’

Malakyas 4:2

Dapat kamu pag manga maggalang sa kangku, malakawan niyu ti karibrihan ginan sa kangku. Parihu inda sa magsinggit init kay rayaw magpakaun kaayadan. Ag mangutbaw-utbaw kamu sa kabayaan parihu sa manga dumaraga baka ipinalwas ginan sa tudiran.

Bilang 24:17

“May nakitan aku sa kang pangakakitun udwaya gid nangyari. Sa aratubangun pag manga sirang, may humari sa Israil ginan sa linahi ni Hakub. Rurisun niya ti manga Muabita hanggan ti tanan lahi ni Sit.

Huwan 3:16

Daka gid kay pagmahal Diyus sa tanan tawu sa babaw daga, nakan ipinakaun niya kay Bugtung Anak hampay una si unu pag tawu nu magsarig sa kanya, dayu ipadamhak sa kamatayan, bagkus ngap may tutuu pag buhi siya unman may katapusan.

Ipisu 5:14

Dahil karayawan yi ngani tigpakilala sa tanan. Nakan ngani pagsabihun magkun, “Pag-imata yi kawu ginan sa katurugan, pagkabuhi yi kawu ginan sa kamatayan, rayawan yi kawu ni Kiristu.”

Pilipus 1:8

Alam di Diyus tutuu kang pagsabihun nu kabitay kang maghanap sa kanyu tanan parihu ga kan Kiristu Hisus diman magmahal sa kanyu.

Pilipus 2:1

Pagpabisugun ungud kamu dahil sa kanyu magpakiusa sa kan Kiristu. Kay pagmahal ni Kiristu tigparig-un sa kanyu naisipan. Magpakiusa waydi kamu sa Ispiritu Banal. Maawaun kamu ag magparasunaidan kamu sa usa kag sa usa.

Kulusas 3:12

Kamu manga sakup sa Diyus, kay pinili niya kamu, kay yi gid pagmahalun. Nakan ngani kailangan kamu pagmaawaun, pagmayad kanyu nabubut-un, pagmapinakumbabaun, pagmabuut hanggan matiniisun.

2 Pidru 1:19

Lalu waya pagpaniwalaan nimi ti sinabi manga purupita. Kailangan kanyu intindihun mayad-mayad ti sinabi manga purupita dahil tunda pag bagaw parihu ga sulu marayaw sa basad madulum hanggan sa udwaya magkasurip ag suminggit ti kuramnag sa kanyu manga tagipusuun.

1 Huwan 3:17

Ti tawu nu may kasiyunan sitay sa babaw daga, ag nu makitan niya kay patar-ari may kailangan bag-u nu unman siya naawa nag-awat sa kay patar-ari, kabitay pag masabi siya magmahal sa Diyus?

Ipinakakit 22:16

“Aku si Hisus ti nagsugu sa kang anghil hampay ipakilala inda pag manga bagay sa kanyu sa ikarig-un manga iglisya. Aku ginan sa linahi ni Dabid, aku ti masnag pag kuramnag.”