Lukas 1:77 - Hanunuu

⁷⁷ Ipaalam nimu ti karibrihan Panginuun sa kay nasyun, sa panab-anan pagpatawad nida kanda manga kasalanan.

Lukas 1:77 Iomraidhean Croise

Hirimyas 31:34

Unman yi may manabi sa kay kasimanwa ngatay sa kay patar-ari kuntay kailangan niya kilalan-a ti Panginuun. Dahil sida tanan kumilala sa kangku, ginan sa pinakapugri tugka sa pinakamaunlad. Patawadun niku sida sa kanda manga daut binuwat, balaw yi niku alalahanun kanda manga kasalanan. Aku, ti Panginuun, ti magbagaw inda.”

Lukas 3:3

Bag-u nag-ati si Huwan namalibut baliw-baliw dipay sapa Hurdan. Nanudlu siya sa manga tawu, magkun, “Pag-ampu yi kamu sa kanyu manga kasalanan, ag pagpatulbaw yi kamu, bag-u patawadun yi Diyus kanyu manga kasalanan.”

Lukas 3:6

Makitan tanan tawu ti karibrihan ginan sa Diyus.’”

Huwan 1:29

Pagka surip, nakitan ni Huwan si Hisus magpakarani sa kanya. Sinabi ni Huwan magkun, “Tunda yi ti Anak Karanidu kay ihinanda Diyus hampay mapatawad ti kasalanan kalibutan.

Huwan 1:34

Magkun si Huwan, “Nakitan yi ngani niku tunda pag nangyari. Pagpatutuuhanan ngani niku sa kanyu tunda pag tawu imaw yi gid ti Anak Diyus.”

Binwat 10:43

Ti tanan purupita nagbarita diman waydi tungkul sa kan Hisus magkun, una hintay pag tawu nu sumarig sa kanya, patawadun Diyus kay manga kasalanan dahil sa kamaskihan niya.”

Binwat 19:4

Bag-u kay sinabi ni Pablu magkun, “Kan Huwan itinudlu pag tulbaw kay kahulugan tanda sa manga nag-ampu sa kanda manga kasalanan. Sinabi ni Huwan sa manga Israilita, kailangan sida sumarig sa rumas-ug dumasun sa kanya, kay ibug sabihun sa kan Hisus yi ngani.”

Binwat 2:38

Nagsagut si Pidru magkun, “Ampuan niyu kanyu kasalanan ag paghagad kapatawadan sa Diyus. Pagpatulbaw ti kada usa sa kanyu, pagpasakup sa ngaran ni Hisu-Kiristu hampay patawadun yi kanyu manga kasalanan. Bag-u ipakaun Diyus sa kanyu ti Ispiritu Banal.

Binwat 3:19

“Nakan duy patlikudi yi niyu kanyu manga kasalanan bag-u pag-atubang yi sa Diyus hampay duraun yi niya kanyu kasalanan,

Binwat 5:31

Pinakan-an si Hisus kadayawan, ipinatukaw siya Diyus sa kay sikun baliwa minsan sa kay karampatan maghari. Nakan si Hisus yi ngani ti Takinan hanggan Manugribri hampay pakan-an rugar ti nasyun Israil makaampu sa kanda manga kasalanan ag makahagad kapatawadan sa Diyus, agud sida patawadun.

Ruma 3:25

Si Hisus ngani ti ihinanda Diyus hampay ipakaun niya kay buhi ag hampay sa pagkabuhus niya dugu may kapatawadan ti manga tawu sa kanda manga kasalanan, nu sida magsarig sa kanya. Kay binwat Diyus tunda hampay ipakilala kay katadlungan. Dahil nu sa kaybi, pinakan-an niya rugar ti manga tawu, pinasinsiya niya kanda manga kasalanan.

Ipisu 1:7

Irinibri kita ni Kiristu sa panab-anan niya dugu, ag pinatawad yi kanta manga kasalanan. Ungud gid makadululaw kay mayad pag nabubut-un Diyus,