Lukas 1:72 - Hanunuu

⁷² Ag hampay ipakilala niya kay pangaawa sa kanta manga ginurang, ag alalahanun niya kay banal pag taratu.

Lukas 1:72 Iomraidhean Croise

Gimpuunan 12:3

Papaladan niku ti magpapalad sa kanmu. Dapat saadan waydi niku ti magsaad sa kanmu. Sa panab-anan nimu, papaladan niku ti tanan tawu sa kalibutan.”

Gimpuunan 22:18

Ag sa panab-anan nimu linahi, papaladan niku ti tanan nasyun sa kalibutan, dahil nagsunud kawu sa kangku.”

Gimpuunan 26:4

Payamuun niku kanmu manga linahi ga pamgasan sa langit kay kayamu, ag ipakaun niku sa kanda inda tanan pag daga. Ag sa panab-anan nida, papaladan niku ti tanan tawu sa kalibutan.

Gimpuunan 28:14

Kanmu manga linahi yumamu ga galbuk sa daga. Man-ngalat sida sa inda pag tuhay-tuhay pag bahagi daga. Sa panab-anan nimu hanggan nimu manga linahi, papaladan niku ti tanan tawu sa kalibutan.

1 Krunika 16:16

Inda pag kasunduan binwat niya sa kan Abraham ag itinaratu waydi niya sa kan Isaak.

Kanta 105:42

Binwat inda tanan Diyus dahil balaw niya kinalimtan kay taratu sa kan Abraham kay manugsirbi.

Kanta 106:45

Pag-alalahanun Diyus kay kasunduan sa kanda, ag dahil sa kay daka pag mahal sa kanda nagbag-u kay naisipan balaw yi niya sida parusahan.

Kanta 111:5

pag-ayawan niya karan-unun ti manga maggalang sa kanya, ag pag-alalahanun niya pirmi kay kasunduan.

Kanta 98:3

Balaw niya kinalimtan kay pagmahal ag pagkamatinupadun sa kanta, sa nasakupan Israil. Nakitan tanan tawu sa buu kalibutan nu kabitay kita ipinanalu nita Diyus.

Isikil 16:60

Dapat tupadun di niku kang binwat kasunduan sa kanmu katpung kalay-awan waya kawu, ag mamwat aku sa kanmu kasunduan pumarargu sa unman may katapusan.

Isikil 16:8

“ ‘Pagka nalakawan maan niku kawu, nakitan niku mahimu yi kawu asawan-un. Nakan itinabun niku kang kulimpay sa kanmu bilug uba, ag nagtaratu aku sa kanmu mahalun kawu niku. Nagbuwat aku kasunduan sa kanmu, ag nagbaliw kangku kawu. Aku, ti Panginuun Diyus, ti magbagaw inda.

Libitiku 26:42

tupadun niku kang kasunduan sa kanyu manga ginurang sa kanda ni Abraham, ni Isaak, ag ni Hakub bag-u ibalik niku kamu sa kanyu daga.

Mikas 7:20

Ipakakit nimu kanmu pagmahal ag matinupadun sa kanmi sa manga linahi ni Abraham hanggan ni Hakub, parihu sa kanmu itinaratu sa kanda kaybi.”

Ruma 11:28

Dinayu manga Hudiyu ti Mayad pag Barita, nakan nagbaliw sida manga kalaban Diyus. Bag-u pinakan-an ngap kamu pag manga balaw Hudiyu rugar hampay makakit karibrihan. Dapat ti manga Hudiyu pinili di Diyus, kay di gid pagmahalun sida dahil sa kay taratu sa kanda manga ginurang.

Ruma 9:4

Sida manga Israilita, binwat Diyus manga anak niya. Nakitan nida ti malinaw pag tanda tigpakilala kuntay ti kadayawan Diyus ngap ti kaibahan nida. Tinalaghut Diyus kay taratu sa kanda, sa kanda diman ipinakaun niya ti Kasuguan, ti tutuu gid pag samba ati sa Balay Diyus, hanggan kay manga taratu.