Lukas 1:71 - Hanunuu

⁷¹ iribri niya kita sa kanta manga kalaban hanggan sa kamang manga magkagalit sa kanta.

Lukas 1:71 Iomraidhean Croise

2 Hari 17:39

Aku lang gid kanyu sambahun, ti Panginuun niyu Diyus, dahil aku ti manribri sa kanyu ginan sa tanan niyu manga kalaban.”

Kanta 106:10

Irinibri niya sida sa kamang manga kalaban.

Kanta 106:47

Ribrihan kami, Panginuun nimi Diyus, ag tipuna maan kami sa kanmi daga ginan sa manga nasyun, hampay makapasalamat kami ag makadayaw sa kanmu banal pag ngaran.

Hirimyas 23:6

Inda pag ngaran ti iingaran sa kanya: ‘Ti Panginuun Kanta Katadlungan.’ Sa tunda pag udas maribri ti Huda ag magkaimaw kahusayan sa Israil.

Hirimyas 32:37

Tipunun niku ti manga nasakupan niku ginan sa tanan nasyun kinalatan niku sa kanda dahil sa kang masyadu pag galit sa kanda. Utru niku sida darahun sa inda pag rugar ag mangabuhi sida sa mahusay.

Isikil 28:26

Mangulian sida ati unman may pagkadalaan. Mamatindug sida manga balay ag mananum manga ubas. Unman yi may man-gulu sa kanda nu parusahan yi niku ti tanan nida kaarani pag manga nasyun magpuya sa kanda. Bag-u maalaman nida aku ti Panginuun nida Diyus.”

Isikil 34:25

“Mamwat aku kasunduan sa kanda kuntay mumayad kanda kahamtangan. Palayasun niku ti maisug pag manga hayup sa kanda daga hampay makaulian sida sa pangawakawaan ag makaturug sa katalunan ribri sa kadilikaduhan.

Isikil 34:28

Balaw yi sida pakurian iba ka manga nasyun ag unman yi sida kan-un talun hayup. Mangabuhi sida ribri sa kadilikaduhan ag unman may manpadala sa kanda.

Isikil 38:8

Dahil aban suguun niku kamu giraha ti Israil, sa kadugayun panahun namung-aw dahil nawasak sa labanan. Dapat ipinatindug uman inda ag sa tunda diman pag udas nakabalik yi ti manga nasakupan inda sa bantud Israil ginan sa manga nasyun ag mag-ulian yi may kahusayan.

Lukas 1:68

“Dayawun nita ti Panginuun ti Diyus Israil, dahil kay inawatan ag linkat niya kay nasyun.

Lukas 1:74

Kita kay iribri sa kamang nita manga kalaban, agud masirbihan nita siya unman may kadalaan.

Diyuturunumiyu 33:29

Pinapaladan kamu, manga nasakupan Israil! Unman may pumarihu sa kanyu — usa ka nasyun irinibri Panginuun. Ti Panginuun imaw ti mag-alaga ag mag-awat sa kanyu, ag siya ti lumaban para sa kanyu. Manyapang kanyu manga kalaban atag sa kanyu, ag tat-an niyu sida sa dayu.”

1 Huwan 3:8

Nu magpadayun sa kasalanan ti tawu, sakup waya siya diyablu, dahil kaybi ginan hanggan taynguna tugka magkasala diman ti diyablu. Nakan nagsitay ti Anak Diyus hampay wasakun niya ti buwat diyablu.