Lukas 1:7 - Hanunuu

⁷ Unman sida may anak dahil unman nagkaanak si Ilisabit, ag parihu yi gurangun.

Lukas 1:7 Iomraidhean Croise

Gimpuunan 17:17

Pagka nadnugan inda ni Abraham nagyuk-ub siya bilang paggalang sa Diyus, dapat nasari siya sa kay nadnugan. Magkumun siya sa kay sadili, “Magkaanak aw waya aku sa inda pag idad niku 100 yi ka timpu? Ag si Sara, mamuduy aw waya nguna siya kay idad 90 yi ka timpu?”

Gimpuunan 18:11

(Gurangun yi sida duwa ni Abraham ag unman yi pagras-ugan si Sara.)

Gimpuunan 25:21

Dahil baug si Ribika, nandarangin si Isaak sa Panginuun hampay magkaimaw anak. Dinungug Panginuun kay darangin, nakan namuduy si Ribika.

Gimpuunan 30:1

Si Rakil unman waya gid magbuduy, nakan maghirak siya sa kan Liya. Magkun siya tag kan Hakub, “Pakan-i nimu aku anak dahil nu unman, pihu gid mamatay aku!”

1 Hari 1:1

Gurangun yi gid si Hari Dabid, una pakumutan waya siya madamul pag manga kumut pagramigun di siya.

2 Hari 4:14

Nagpaingana si Ilisyu sa kan Gihasi, “Malu, hintay nguna kanta mabuwat sa kanya?” Sinmagut si Gihasi, “Unman duy siya may anak lalaki ag gurangun yi kay asawa.”

Lukas 1:5

Sa kapanahunan hari si Hirudis sa Hudiya, may usa ka manughandug kay ngaran si Sakaryas sa gurupu ni Abyas. Kan Sakaryas inasawa si Ilisabit, lahi ni Aarun.

Lukas 1:6

Sida mag-asawa magkabuhi matadlung sa atubangan Diyus Panginuun. Pagsundun gid nida ti tanan niya manga sugu.

Lukas 1:8

Pagka may katungkulan kay gurupu ni Sakaryas, nag-asikasu siya sa kay buruwatun sa atubangan Diyus.

Ruma 4:19

Ati katpung arani yi usa ka gatus timpu kay idad ni Abraham ag kay magbantay, tigbak yi kay bilug. Kay asawa si Sara unman paman mag-anak pag tawu. Madi katida unman naglumuy kay pagsarig ni Abraham.

Hibriyu 11:11

Dahil sa kay pagsarig ni Abraham, nakatanggap siya kabisugan hampay magpabuduy sa kan Sara madi lipas yi kay idad ni Abraham, ag unman mag-anak si Sara. Sinarigan niya lubus ti Diyus ti nangaku ag ti dayu pumalya.

1 Samwil 1:2

Si Ilkana may duwa ka asawa, inda sida ni Hana ni Pinina. May manga anak si Pinina dapat si Hana unman.