Lukas 1:65 - Hanunuu

⁶⁵ Sinindakan dala ti tanan tawu mag-uli sa kanda kalibut. Ti barita tungkul tanan manga nangyari sa kanda ni Sakaryas ikinalat sa tanan bantud daga Hudiya.

Lukas 1:65 Iomraidhean Croise

Matiyu 2:1

Pagka nilusad yi si Hisus sa banwa Bitlihim sa daga Hudiya katpung hari si Hirudis, may manga madunung pag tawu nagras-ug sa Hirusalim ginan sa butlakan init.

Lukas 1:39

Pagka dugay linmakaw si Marya madali kay lakaw tag sa bantud, tag sa usa ka banwa sa daga Huda.

Lukas 2:18

Ti tanan nakadnug inda nadulaw sa itinultul manga manug-alaga karanidu.

Lukas 5:26

Nadulaw gid masyadu ti manga tawu. Nadala sida, nagdayaw gid sa Diyus magkun, “Taynguna nakitan gid nimi ti makadululaw pag manga buwat.”

Lukas 7:16

Nadala gid sida tanan. Dinayaw nida ti Diyus magkun, “Nagsitay sa kanta karaw-an ti mamaski pag purupita. Nagsitay ti Diyus hampay iribri niya kay nasyun.”

Binwat 19:17

Nabaritaan inda tanan manga tawu sa banwa Ipisu, una manga Hudiyu una manga balaw Hudiyu. Nadala gid ungud sida tanan, lalu nagdayaw gid sida sa makapangyarihan pag ngaran Panginuun Hisus.

Binwat 2:43

Pirmi nagbuwat ti manga apustul manga makadululaw pag tanda dahil sa kapangyarihan kanda tinanggap ginan sa Diyus. Nakan lubus naglingut ag magkadala ti tanan tawu.

Binwat 5:11

Masyadu yi gid nadala ti tanan manga patar-ari hanggan ti tanan tawu nakadnug sa nangyari sa kanda duwa mag-asawa.

Binwat 5:5

Pagka nakadnug si Ananiyas sa kan Pidru sinabi, naplid lang siya rargu naugtas kay arup. Masyadu yi lang gid nadala ti tanan tawu nakadnug sa nangyari ati.

Huswi 10:40

Nakan nasakup ni Huswi ti buu daga — ti manga kabantudan, ti Nigib, ti manga tagudtud sa isalpan, hanggan sa lawud pag manga kabantudan, kaibahan kanda manga hari. Rinuris nida ti tanan mag-uli ati, ag unman gid may nasawad buhi. Binwat nida inda angay sa sugu Panginuun, ti Diyus Israil.

Huswi 10:6

Nanpadara barita ti manga taga Gibyun sa kan Huswi ati sa kanda kampu sa Gilgal. Magkun sida, “Danga kami pagpabay-ani kanmu manga suruguun. Pag-ataytag kamu kainda ag ribrihan kami. Awati kami dahil pag-arawatanan kami tanan hari Amuriyu mag-uli sa kabantudan.”

Ipinakakit 11:11

Pagka nakalawuy yi ti tulu ka sirang may tunga, binuhi maan sida Diyus, tinmindug. Balaw basta pag kulba ti manga nakakit.