Lukas 1:53 - Hanunuu

⁵³ Binsug niya ti manga magkalun-us sa manga mayad pag kabagayan. Tinulak niya ti manga mayaman, unman pinakan-an una lang hintay.

Lukas 1:53 Iomraidhean Croise

Kanta 146:7

Pagpakan-an niya katadlungan ti manga pag-apihun, ag pagpakan-an niya karan-unun ti manga magkalun-us. Pinalpasan niya ti manga pirisu,

Kanta 34:10

Ti liyun mahimu kurangun sa karan-unun ag lun-usun, dapat ti manga magdangup sa Panginuun balaw gid kurangun mayad pag manga bagay.

Isikil 34:29

Pakan-an niku sida daga abunda sa ani hampay unman yi sida mangagwanta sa lun-us ngatay puyaan iba manga nasyun.

Matiyu 5:6

Papaladan Diyus ti tawu nu ga magkalun-us ag magkauwaw kay magpatigagad makatupad sa kagustuhan Diyus, dahil ipakaun sa kanda ti kanda paggagadun.

Lukas 1:54

Inawatan niya kay manga suruguun, ti manga taga Israil. Unman nalimtan niya kay taratu sa kanta manga ginurang — sa kan Abraham hanggan sa kay manga linahi — kuntay kaawaan niya sida hanggan waya aban.”

Lukas 6:21

Papaladan Diyus kamu ti manga magkalun-us taynguna, dahil mabsug kamu aban. Papaladan Diyus kamu ti manga maglumi, dahil pasulungun kamu aban.

Lukas 6:24

Dapat kaawaawa kamu pag manga mayaman dahil nakarubtan yi niyu ti kanyu pagbayaun.

Huwan 6:35

Bag-u sinabi ni Hisus sa kanda magkun, “Aku ti ga karan-unun makapakaun buhi sa manga tawu. Tigpasakup sa kangku balaw yi lun-usun, tigsarig sa kangku dayi uwawun una hanggan aban.

1 Kurintu 1:26

Pag-isipa niyu, manga patar-ari, kay nagpili Diyus sa kanyu, balaw mayamu ti manga madunung sa kanyu sadili pag-iisip, balaw mayamu ti may kamaskihan, balaw mayamu ti may mataas pag katungkulan.

1 Kurintu 4:8

Kamu maaw manga busug yi, kamu manga mayaman yi. Madi kami balaw hari kamu ga manga hari yi. Gustu mana niku kamu maghari ngani hampay kita minsan yi sa maghari.

1 Samwil 2:5

Ti manga abunda kaybi magtarabahu yi taynguna hampay lang may makaun. Dapat ti manga magkalun-us kaybi abunda yi ngap taynguna. Ti manga unman mag-anak kaybi, mayamu yi kay anak taynguna. Dapat ti manga mayamu kay anak kaybi maruku taynguna dahil udyi may anak.