Lukas 1:33 - Hanunuu

³³ Humari siya sa linahi ni Hakub hanggan aban. Ag unman may katapusan kay paghari.”

Lukas 1:33 Iomraidhean Croise

2 Samwil 7:13

Siya ti pumatindug Balay Diyus para sa kang kadayawan, ag pihuun niku kay linahi ti humari hanggan aban.

2 Samwil 7:16

Pumarargu kanmu kaharian hanggan aban; kanmu linahi pumarargu humari sa unman may katapusan.’ ”

Kanta 45:6

Kanmu kaharian, Diyus, balaw gid may katapusan, ag matadlung kanmu magpanguna sa kanmu kaharian.

Kanta 89:4

Kada hari sa Israil ginan sa kanmu manga linahi tugka aban; kanmu kaharian pumarargu sa unman may katapusan.”

Isayas 16:5

Ag humari ti usa sa manga linahi ni Dabid matinupadun ag may pagmahal. Ipalantap niya ti katadlungan sa kay magpihu. Sigidas siya sa pagbuwat matadlung.

Isayas 9:7

Unman may katapusan kay pagdumara mayad ag may kahusayan. Siya ti mumana kay kaharian ni Dabid. Parig-unun niya inda ag humari ti katadlungan ag ti katuwiran hanggan aban. Siguraduhun Panginuun Makamaskihan matupad inda.

Hirimyas 23:5

Magkun waya ti Panginuun, “Rumas-ug ti sirang pahariun niku ti usa ka hari matadlung ginan sa linahi ni Dabid. Humari siya may kadunungan, ag palantagun niya ti katadlungan ag katutuuhanan sa inda pag daga.

Danyil 2:44

“Sa ati pag panahun manga hari, ti Diyus sa langit pumatindug usa ka kaharian unman gid magpu hanggan aban. Balaw gid inda matalu iba kaharian, nu unman papasun waya ngap niya ti tanan kaharian ag pihu pumirmaminti inda hanggan aban.

Danyil 4:34

“Pagkalawuy pitu ka timpu, aku, si Nabukudunusur, nagdangup sa Diyus, ag nagbalik kang daan pagkaisipan. Nakan dinayaw niku ag kinilala ti Kaabwat-abwatan pag Diyus buhi sa unman may katapusan. Nagkumun aku, ‘Kay paghari unman may katapusan.

Danyil 6:26

“Pag-isugu niku sa tanan manga tawu sakup niku kaharian pagkadala ag paggalang sa Diyus ni Danyil. Dahil siya ti buhi pag Diyus ag magkabuhi unman may katapusan. Parargu kay paghari hanggan aban, ag unman may makadaug sa kay kaharian.

Danyil 7:18

Dapat ti manga banal Kaabwat-abwatan pag Diyus imaw ti pinakan-an karampatan maghari ud may katapusan.’

Danyil 7:27

Bag-u iayaw sa banal pag manga nasakupan Kaabwat-abwatan pag Diyus ti pagdumara hanggan kapangyarihan sa manga kaharian buu kalibutan. Nakan humari sida hanggan aban, ag pasakup sa kanda ti tanan kaharian.

Ubadyas 1:21

Tumukad sa Bantud Siun ti manga manugpalpas hampay pamahalaan ti manga tawu mag-uli sa Bantud ni Isaw. Ag aku, ti Panginuun, ti humari.”

Matiyu 1:1

Inda ti listahan gimpuunan lahi ni Hisu-Kiristu, ginan sa linahi ni Dabid, ginan diman waydi sa linahi ni Abraham.

Matiyu 28:18

Nagpakarani si Hisus bag-u sinabi niya sa kanda magkun, “Ipinakaun sa kangku ti tanan karampatan sa langit hanggan sa babaw daga.

Lukas 1:34

Sinabi ni Marya sa anghil magkun, “Kabitay inda duy, aku unman nakaulid sa lalaki?”

Ruma 9:6

Balaw sa nitugka lang ti Bagaw Diyus. Dahil balaw waydi ti tanan manga linahi Israil niminsan sa kay pinili Diyus pag nasyun.

Galasya 3:29

Nu kamu sa kan Kiristu, kabilang diman kamu sa kay linahi ni Abraham, manga magmana sa kay itinaratu Diyus.

Galasya 6:16

Ti tanan manga mag-ugali angay sa inda pag manga isinurat niku, hanggan ti tanan nasyun Diyus, kang pag-idarangin hampay sa kanda yi kay kahusayan hanggan kay awa Diyus.

Pilipus 3:3

Kabay kita yi ngap ti tutuu manga tinuri. Dahil magsamba kita sa Diyus angay sa udyuk Ispiritu Banal. Magbaya kita sa kanta pakiusa sa kan Kiristu Hisus ag unman may pagsarigan kita sa kanta sadili bilug.

Hibriyu 1:8

Dapat nu tungkul sa Anak kay sinabi, “Diyus, kanmu katungkulan sa maghari unman may katapusan hanggan waya aban. Ti kamaskihan sa kanmu maghari imaw ti matadlung pag kamaskihan.

Ipinakakit 11:15

Pagka inyup ikapitu pag anghil kay budyung, may manga namaragawan daraka ginan sa langit magkun, “Kanta Panginuun hanggan ti Pinili Diyus Manugribri pag Hari nag-aku yi lubus sa paghari sa bilug kalibutan. Humari siya hanggan waya aban.”