Lukas 1:25 - Hanunuu

²⁵ “Taynguna aku binaya Panginuun. Binwat niya inda hampay balaw yi pag-api-apihun aku manga tawu.”

Lukas 1:25 Iomraidhean Croise

Gimpuunan 25:21

Dahil baug si Ribika, nandarangin si Isaak sa Panginuun hampay magkaimaw anak. Dinungug Panginuun kay darangin, nakan namuduy si Ribika.

2 Samwil 6:23

Dahil siyun, unman nagkaanak si Mikul tugka sa namatay siya.

Isayas 25:8

Bul-un diman Panginuun Diyus ti kamatayan ag payidun niya ti manga luwa tanan tawu. Bul-un niya ti kakay-ahan niya manga nasakupan sa buu kalibutan. Mangyari gid inda dahil binagaw Panginuun.

Isayas 4:1

Sa ati pag sirang, pitu ka babayi ti mangaragawan sa usa ka lalaki ag sabihun nida, “Kami yi ti bahala sa karan-unun ag rutay nimi, asawan-a lang nimu kami hampay balaw kami makakaray-a dahil sa unman kami may asawa.”

Lukas 1:13

Dapat sinabi anghil sa kanya, “Sakaryas, danga magkadala duy, dahil nadnugan Diyus kanmu darangin. Kanmu asawa si Ilisabit aban manganak gid duy anak lalaki, ag siya kanmu paingarnan Huwan.”

Lukas 1:24

Pagka dugay magbuduy kay asawa si Ilisabit. Sa sulud lima ka bulan siya pirmi yi lang nagpatagu sa balay. Magkun siya,

Hibriyu 11:11

Dahil sa kay pagsarig ni Abraham, nakatanggap siya kabisugan hampay magpabuduy sa kan Sara madi lipas yi kay idad ni Abraham, ag unman mag-anak si Sara. Sinarigan niya lubus ti Diyus ti nangaku ag ti dayu pumalya.

Talaghusay 11:37

Dapat may usa lang aku ka bagay hagadun sa kanmu: pahintuluti aku sa duwa ka bulan makapalibut-libut aku sa manga bantud hampay manruku kaibahan kang manga kakilala babayi, dahil mamatay aku unman makaasawa.”

1 Samwil 1:6

Dahil sa unman ngani siya mag-anak, pirmi siya pagsungyawun ag pagpakay-ahun ni Pinina, kay karibal.