Lukas 1:18 - Hanunuu

¹⁸ Sinabi ni Sakaryas sa anghil magkun, “Kabitay gid pag maalaman niku inda ti mangyari, kami mag-asawa gurangun yi?”

Lukas 1:18 Iomraidhean Croise

Gimpuunan 15:8

Dapat magkun si Abram, “Panginuun Diyus, kabitay niku maalaman kuntay maapu niku inda?”

Gimpuunan 17:17

Pagka nadnugan inda ni Abraham nagyuk-ub siya bilang paggalang sa Diyus, dapat nasari siya sa kay nadnugan. Magkumun siya sa kay sadili, “Magkaanak aw waya aku sa inda pag idad niku 100 yi ka timpu? Ag si Sara, mamuduy aw waya nguna siya kay idad 90 yi ka timpu?”

Gimpuunan 18:12

Nasari si Sara ag magkun sa kay sadili, “Gurangun yi aku; bag-u di aw aku makabaya man-ulid sa kang asawa gurangun yi waydi, hampay magkaimaw anak kami?”

2 Hari 7:2

Magkun ti pagpiyaran hari pag takinan, “Una waya bukasan Panginuun ti manga gaha sa langit, unman yi gid mangyari inda.” Sinmagut si Ilisyu, “Makitan nimu mangyari gid inda, dapat unman kawu makakaun tunda.”

Isayas 38:22

Namaingana si Isikyas, “Hintay kay puruyba pag tanda kuntay aku ngani umayad ag makaatag sa Balay Diyus Panginuun?”

Lukas 1:34

Sinabi ni Marya sa anghil magkun, “Kabitay inda duy, aku unman nakaulid sa lalaki?”

Lukas 1:7

Unman sida may anak dahil unman nagkaanak si Ilisabit, ag parihu yi gurangun.

Ruma 4:19

Ati katpung arani yi usa ka gatus timpu kay idad ni Abraham ag kay magbantay, tigbak yi kay bilug. Kay asawa si Sara unman paman mag-anak pag tawu. Madi katida unman naglumuy kay pagsarig ni Abraham.