Lukas 1:17 - Hanunuu

¹⁷ Umuna siya sa Panginuun parihu ga kan Ilyas diman dahil sa kapangyarihan Ispiritu Banal. Pabalikun niya ti naisipan manga gurangun sa ikaayad nida manga anak. Tudluan niya ti manga makasalanan agud sida madunung magtupad sa kagustuhan Diyus. Ialistu niya para sa Panginuun usa ka nasyun handa yi.”

Lukas 1:17 Iomraidhean Croise

1 Hari 17:1

May usa ka purupita kay ngaran si Ilyas. Mag-uli siya sa Tisbi sakup Gilyad. Magkun siya sa kan Akab, “Pagsiguraduhun niku sa kanmu, sa nabubut-un buhi pag Panginuun, ti Diyus Israil kang pagsirbihan, kuntay unman may tun-ug ngatay uran rumas-ug sa sulud pira ka timpu tugka sa unman niku sabihun kuntay pag-uran ngatay pagtun-ug.”

1 Hari 18:18

Sinmagut si Ilyas, “Balaw aku ti magpan-gulu sa Israil, nu unman kawu hanggan ti magtal-anakan nimu ama. Dahil dinayu niyu ti manga sugu Panginuun ag sinamba niyu ti manga histuda diyus-diyusan Baal.

1 Hari 21:20

Pagka nakitan ni Akab si Ilyas, magkun siya, “Nasampakan diman aku niku kalaban!” Sinmagut si Ilyas, “Hu, inmataytag aku sa kanmu dahil ipinabili nimu kanmu sadili sa pagbuwat daut sa magbantay Panginuun!

2 Hari 1:16

Pagka rinmas-ug si Ilyas sa hari magkun siya, “Inda ti pagsabihun Panginuun: ‘Hayga nagpadara kawu manga sugu hampay mamaingana sa kan Baal Sibub, ti diyus-diyusan taga Ikrun? Unman yi aw lugud may Diyus sa Israil kanmu mapaingan-an? Dahil sa kamu binwat, udyi gid kawu bumangun ginan sa kanmu igyaan. Pihu gid kawu mamatay.’ ”

1 Krunika 29:18

“Panginuun, ti Diyus nimi manga ginurang si Abraham, Isaak, ag Hakub, mana ipauli nimu pirmi inda sa tagipusuun nimu nasakupan, ag awati sida rumig-un sa kanmu.

2 Krunika 29:36

Subra kay kabayaan ni Isikyas hanggan ti manga tawu sa awat binwat Diyus, dahil siti nabwat nida ti tanan inda sa madali.

Kanta 10:17

Panginuun, nasaydan nimu ti darangin manga pugri. Patingihi nimu sida ag pabisuga.

Kanta 111:10

Nu ti usa ka tawu magkaibug sa kadunungan, kailangan maggalang siya sa Panginuun. Ti tanan magsunud sa kay manga sugu may kang-ud pag pan-intindi. Pagdayawun siya sa unman may katapusan.

Kanta 78:8

Balaw sida pumarihu sa kanda manga ginurang manga maganit kay ulu, balaw matinupadun, balaw marig-un kanda pagsarig sa Diyus, ag balaw matapat sa kanya.

Isayas 29:24

Ti manga balaw nakasalum sa katutuuhanan makasalum yi, ag ti manga magriklamu nu pagtudluan makabaya yi.”

Amus 4:12

“Nakan utru waya gid niku buwatun inda pag manga parusa sa kanyu manga taga Israil. Ag dahil buwatun niku inda, pag-alistu kamu sa pag-atubang sa kangku sa kanyu Diyus.”

Matiyu 11:14

Nu gustu niyu maniwala, si Huan yi ngani pag Ilyas ti pagsarigan kuntay rumas-ug.

Matiyu 14:4

Sinabi nakan ni Huwan sa kan Hirudis, “Unman mahimu umagaw kawu sa asawa nimu patar-ari.”

Matiyu 3:3

Inda yi ngani ti ipinadakit ni Purupita Isayas magkun, “May magtawag sa pangawakawaan kay sabi, ‘Ialistu niyu ti dalan Panginuun. Tadlunga ti dalan kay lakawan.’ ”

Matiyu 3:4

Si Huwan ngani may sulung rutay bulbul kamilyu may hawud paknul. Kay karan-unun manga apan ag manga daykut putyukan.

Lukas 1:16

Magkun ti anghil, “Mayamu sa linahi Israil ti pabalikun niya tag sa Panginuun Diyus nida.

Lukas 1:76

Kawu duy anak, ingarnan kawu purupita Diyus Makamaskihan sa Tanan. Sapagka kawu ti un-an umuna bag-u ti Panginuun dumasun sa kanmu. Kawu nakan ti humanda dalan Panginuun.

Huwan 1:13

Sida manga anak yi Diyus dapat balaw parihu sa tawu pag kapanganakan may ama may ina, nu unman dahil sa kagustuhan Diyus.

Huwan 1:34

Magkun si Huwan, “Nakitan yi ngani niku tunda pag nangyari. Pagpatutuuhanan ngani niku sa kanyu tunda pag tawu imaw yi gid ti Anak Diyus.”

Huwan 3:28

Nakadnug diman gid kamu sa kang sinabi magkun, balaw aku ti Pinili Diyus Manugribri pag Hari. Sinugu lang aku hampay umuna sa kanya.

Binwat 10:33

Susun pinasuguan yi ngani niku kawu. Mayad ungud duy kanmu nalub-anan nakan kawu nagsitay. Taynguna kami tanan nagtiripun handa sa atubangan Diyus hampay magpatingi sa tanan nimu sarabihun angay sa kay ibinilin Panginuun sa kanmu.”

Ruma 9:23

Gustu diman niya ipakakit kay unman may pumarihu pag kamaskihan sa manga tawu kay pagkaawaan ag kay ihinanda ginan waya kaybi para tabug sa kadayawan.

Kulusas 1:12

ag hampay kamu magbaya gid magpasalamat sa Diyus Ama, dahil binwat niya kamu kang-ud hampay may kahuray kamu sa kay kaharian hanggan karayawan, pinaminsan kamu sa manga nasakup sa kanya.

2 Timutiyu 2:21

Una si unu ti magpakarayu sa magbuwat kadautan pag-ipaparihu sa manga garamitun pagpahalagaan niya apu, manga sakup sa Diyus, ihinanda para gamitun niya Panginuun, pirmi alistu sa una hintay pag buruwatun mayad.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.

1 Huwan 2:28

Kamu duy pag manga tuludluan niku, dagpablag gid kamu ginan sa kan Kiristu, hampay nu miburayhaw siya, balaw kita magkadala ag hampay kita balaw mangay-a sa kay atubangan sa kay pagras-ug aban.

Ipinakakit 20:4

Nakakit aku may manga tukawan hari. Ti manga nakatukaw ati pinakan-an karampatan hampay pumihu sa daut sa mayad. Nakitan diman niku ti karadwa manga tawu pinugutan ulu dahil sa kanda magsarig sa kan Hisus hanggan sa kanda magpadakit Bagaw Diyus. Unman nagsamba sida sa hayup malangas una sa kay tawu-tawu. Unman sida nagtanggap manga marka hayup malangas sa kanda bangas una sa kanda kamang. Binuhi sida hampay maghari kaibahan ni Kiristu sa sulud usa ka libu ka timpu.

1 Samwil 7:5

Sinabi ni Samwil sa manga Israilita, “Tipuna niyu ti buu nasyun Israil ati sa Mispa, hampay kang idarangin kamu sa Panginuun.”