Lukas 1:15 - Hanunuu

¹⁵ Dahil may kamaskihan siya aban sa atubangan Panginuun. Danga uminum siya intus, una hintay pag manga makalangu pag irinmun. Ginan di waya sa sulud tiyan niya ina sa kanya yi ti Ispiritu Banal.”

Lukas 1:15 Iomraidhean Croise

Gimpuunan 12:2

Buwatun niku bantug pag nasyun kanmu linahi. Papaladan niku kawu ag bumaliw bantug kanmu ngaran. Sa panab-anan nimu, mayamu ti makatanggap papalad.

Gimpuunan 48:19

Dapat sinmagut kay ama, “Hu, alam niku anak. Ti manga lahi ni Manasis bumaliw diman bantug pag nasyun. Dapat mas mibantug kay manga lahi niya kap-usan pag patar-ari ag mas mayamu kay lahi.”

1 Krunika 17:8

Inibahan niku kawu una naan tag kawu nag-atag, ag ipinatalu niku sa kanmu ti tanan nimu kalaban. Kainda, pabantugun niku kawu parihu sa iba pag bantug pag manga tawu sa kalibutan.

1 Krunika 29:12

Ti kayamanan ag paggalang ginan sa kanmu. Kawu ti magpamahala sa tanan pag bagay. Makamaskihan gid kawu, ag kawu ti magpabisug ag magpakaun kapangyarihan una sa kantapu.

Kanta 22:9

Dapat kawu ti nagpaluwang sa kangku sa tiyan niku ina, ag ginan sa lapsag di waya aku pag-alagaan yi nimu.

Hirimyas 1:5

“Hirimyas, bag-u kawu hinistuda sa tiyan nimu ina, pinili yi niku kawu. Bag-u kawu ilinusad, pinili yi niku kawu hampay mamurupita sa manga nasyun.”

Hirimyas 35:6

Dapat sinmagut sida, “Balaw kami mag-inum intus. Ibinilin sa kanmi nimi ginurang ni Hunadab kay anak ni Rikab kuntay kami hanggan kanmi linahi danga gid mag-inum intus.

Libitiku 10:9

“Kawu hanggan kanmu manga anak balaw mahimu magsulud sa Turda nu nakainum intus ngatay una hintay pag kalasi irinmun makalangu. Nu buwatun niyu tunda, pihu gid mamatay kamu. Inda pag manga surundanun kailangan gid niyu tupadun tugka sa sunud pag manga sinulput tawu.

Sakaryas 9:15

Ingatan Panginuun Makamaskihan kay nasakupan. Panat-an lang nida ti manga batu pag-ibintuk sa kanda nida manga kalaban. Mangaran-an ag manginuman sida sa pagdaus kanda panalu. Manhuruyawan sida ga manga langu. Mapnu kanda tiyan irinmun parihu sa malukung punu dugu panwidwisik sa manga suuk harandugan.

Lukas 1:14

Magkun waya ti anghil, “Kawu aban masulung gid lubus magbaya, ag mayamu pag tawu ti makabaya sa kay pagkalusad.

Lukas 7:28

Magkun si Hisus, “Kang pagsabihun sa kanyu, si Huwan lalu mahalaga man sa tanan tawu nianak sa babaw daga. Dapat ay ti pinakamababa pag tawu nu pagharian siya Diyus lalu man mahalaga sa kan Huwan.”

Lukas 7:33

Dahil si Huwan Manugtulbaw nagsitay, unman maghandum karan-unun, unman diman mag-inum siya maisug pag irinmun. Dapat pagbangdanan niyu inapuan siya labang.

Huwan 5:35

Sa kay magtudlu si Huwan parihu ga sulu nasul-an rinmayaw. Naibug diman kamu nakabaya ngalay-ngalay sa kay pag-itudlu ga sa marayaw.

Binwat 2:4

Sida tanan lubus sinuldan Ispiritu Banal. Bag-u nag-umpisa sida nagbagaw sa tuhay-tuhay pag pamagaw sigun sa kay pakaun Ispiritu pag kadunungan sa kanda.

Galasya 1:15

Dapat dahil sa kay pangaawa Diyus nakan daan yi pinili niya aku bag-u iinanak. Kay tinawag niya aku hampay kay yi suruguun.

Ipisu 5:18

Danga kamu maglangu dahil makarangga tunda sa mayad pag ugali. Bagkus alwasiha niyu sa masuldan kamu Ispiritu Banal.

Huswi 3:7

Taynguna, magkun ti Panginuun sa kan Huswi, “Taynguna pag sirang, dayawun kawu nimu kaparihu Israilita, bag-u maalaman nida mag-iba aku sa kanmu parihu sa kang pag-iba sa kan Muysis.

Huswi 4:14

Sa tunda pag sirang, pinahalgaan Panginuun si Huswi sa atubangan manga Israilita. Ag iginalang si Huswi manga tawu sa buu niya buhi parihu sa binwat manga tawu sa kan Muysis.