Libitiku 9:7 - Hanunuu

⁷ Magkun siya sa kan Aarun, “Pagpakarani kawu sa harandugan bag-u ihandug nimu kanmu manga handug sa paglumpiyu kasalanan, hanggan kanmu handug surunugun agud malukat kawu kaibahan kanmu magtal-anakan ginan sa kanyu manga kasalanan. Angay sa sugu Panginuun, ihandug diman nimu ti manga handug tawu hampay malukat sida sa kanda manga kasalanan.”

Libitiku 9:7 Iomraidhean Croise

Libitiku 16:11

Iyawun ni Aarun ti turiti baka bilang handug sa paglumpiyu kay sadili hanggan sa kay magtal-anakan.

Libitiku 16:24

Marigus siya sa usa ka banal pag rugar ati sa Turda bag-u isulung niya kay panulungun pag rutay. Siyun ginan, lumuwas siya ag ihandug niya ti handug pagsunugun para sa kay sadili hanggan ti handug para sa manga Israilita hampay malumpiyu sida ginan sa kanda manga kasalanan.

Libitiku 16:6

Ihandug ni Aarun ti turiti baka bilang handug panlumpiyu sa kasalanan hampay malumpiyu siya hanggan kay buu magtal-anakan.

Libitiku 4:3

Nu pangulu manughandug ti nagkasala balaw tikis, ag dahil siyun nadamay ti manga tawu, manhandug siya sa Panginuun turiti baka unman may alangan bilang handug sa paglumpiyu kasalanan.

Libitiku 8:34

Ti Panginuun, ti nagsugu sa kanta hampay buwatun nita inda pag buruwatun taynguna pag sirang, agud malukat kamu ginan sa kanyu manga kasalanan.

Libitiku 9:2

Magkun si Muysis sa kan Aarun, “Pagbuul kawu usa ka turiti baka hanggan usa ka lalaki karanidu parihu unman may alangan, bag-u handugan sa Panginuun. Tunda pag baka handug sa paglumpiyu kasalanan, ag ti karanidu handug pagsunugun.

Hibriyu 5:1

Ti kada pangulu manughandug sa Balay Diyus pinili ginan sa manga tawu hampay sumirbi sa Diyus para sa kanda. Siya tig handug manga kaluub sa Diyus ag manga hayup pagmatyun panlukat sa kasalanan.

Hibriyu 5:3

Nakan kailangan siya maghandug sa Diyus manga hayup minatay dahil sa manga kasalanan balaw lang tungkul sa manga iba tawu nu unman hanggan tungkul diman sa kay sadili bilug.

Hibriyu 9:7

Dapat nu sa kay Pinakabanal pag Sulud-sulud ti pangulu lang manughandug sa Balay Diyus tigsaka kas-a lang sulud usa ka timpu. Kailangan siya may dara dugu hampay kay pag-isagda sa Diyus, panlukat sa kay sadili manga kasalanan hanggan sa manga iba kanda binwat balaw tikis pag kasalanan.

1 Samwil 3:14

Nakan pag-isumpa niku balaw yi gid mapatawad sa panab-anan una hintay pag manga handug kay kasalanan magtal-anakan ni Ili tugka aban.”