Libitiku 9:6 - Hanunuu

⁶ Magkun si Muysis sa kanda, “Pagsuguun kamu Panginuun buwata niyu tunda pag paghandug hampay ipakakit niya sa kanyu kay kadayawan.”

Libitiku 9:6 Iomraidhean Croise

Pag-ighit 16:10

Habang magbagaw si Aarun sa buu nasakupan Israil, namantay sida sa pangawakawaan, nakitan nida ti kadayawan Panginuun sa rurum.

Pag-ighit 24:16

Dinmugsun ti kadayawan Panginuun sa Bantud Sinai, ag sa sulud unum ka sirang, natakluban rurum ti bantud. Pagka sa ikapitu pag sirang, tinawag Panginuun ginan sa rurum si Muysis.

Isikil 43:2

Ag ati nakitan niku ti kadayawan Diyus Israil magras-ug ginan sa butlakan. Kay tunug niya pagras-ug ga magpaywas danum mabaskug, ag ti daga magkarayawan niya kadayawan.

Libitiku 9:23

Siyun ginan sinmulud sida ni Muysis ni Aarun sa Turda Tiripnan. Sa kanda pagluwas, idinarangin nida ti manga tawu. Bag-u ipinakakit Panginuun kay kadayawan sa atubangan manga tawu sa panab-anan apuy imaw ti nag-irub sa manga handug sa harandugan. Pagka nakitan tunda manga tawu, nanhuruyawan sida sa kabayaan ag linmuhud sa pagsamba sa Panginuun.

Libitiku 9:5

Nakan dinara ngani buu nasakupan kanda manga handug sa atubangan Turda Taragbuan, ti tanan pag pag-isugu sa kanda ni Muysis. Nagtipun sida tanan siyun sa atubangan Panginuun.