Libitiku 9:4 - Hanunuu

⁴ Pagdara diman sida usa ka lalaki baka hanggan lalaki pag karanidu bilang handug para sa mayad pag pakiusa. Ihandug nida inda minsan sa handug pasalamat may lakay lana, dahil sa tunda pag sirang ipakakit Panginuun sa kanyu kay kadayawan.”

Libitiku 9:4 Iomraidhean Croise

Pag-ighit 16:10

Habang magbagaw si Aarun sa buu nasakupan Israil, namantay sida sa pangawakawaan, nakitan nida ti kadayawan Panginuun sa rurum.

Pag-ighit 19:11

Pihua alistu sida sa ikatlu pag sirang, dahil sa ati pag sirang, aku, ti Panginuun, dumugsun sa Bantud Sinai sa mag-akitan tanan tawu.

Pag-ighit 24:16

Dinmugsun ti kadayawan Panginuun sa Bantud Sinai, ag sa sulud unum ka sirang, natakluban rurum ti bantud. Pagka sa ikapitu pag sirang, tinawag Panginuun ginan sa rurum si Muysis.

Isikil 43:2

Ag ati nakitan niku ti kadayawan Diyus Israil magras-ug ginan sa butlakan. Kay tunug niya pagras-ug ga magpaywas danum mabaskug, ag ti daga magkarayawan niya kadayawan.

Isikil 43:27

Ginan sa ikawalu pag sirang, manhandug yi sa harandugan ti manga manughandug kanyu manga handug pagsunugun hanggan manga handug para sa mayad pag pakiusa. Bag-u tanggapun niku kamu. Aku, ti Panginuun Diyus, ti magbagaw inda.”

Libitiku 2:1

Nu may manhandug handug pasalamat sa Panginuun, gamitun niya ti marinu pag kalasi arina ag paulian niya inda lana ulibu hanggan kamangyan.

Libitiku 3:1

Nu may manhandug baka bilang handug para sa mayad pag pakiusa, kailangan kay ihandug sa atubangan Panginuun unman may alangan, lalaki man ngatay babayi.

Libitiku 9:23

Siyun ginan sinmulud sida ni Muysis ni Aarun sa Turda Tiripnan. Sa kanda pagluwas, idinarangin nida ti manga tawu. Bag-u ipinakakit Panginuun kay kadayawan sa atubangan manga tawu sa panab-anan apuy imaw ti nag-irub sa manga handug sa harandugan. Pagka nakitan tunda manga tawu, nanhuruyawan sida sa kabayaan ag linmuhud sa pagsamba sa Panginuun.

Libitiku 9:3

Bag-u sabihun nimu sa manga Israilita pagdara sida lalaki kambing bilang handug sa paglumpiyu kasalanan. Pagdara diman sida baka hanggan karanidu parihu usa ka timpu kay idad ag unman may alangan bilang handug pagsunugun.

Libitiku 9:5

Nakan dinara ngani buu nasakupan kanda manga handug sa atubangan Turda Taragbuan, ti tanan pag pag-isugu sa kanda ni Muysis. Nagtipun sida tanan siyun sa atubangan Panginuun.

Libitiku 9:6

Magkun si Muysis sa kanda, “Pagsuguun kamu Panginuun buwata niyu tunda pag paghandug hampay ipakakit niya sa kanyu kay kadayawan.”

Bilang 14:10

Bintukun mana sida tanan nasakupan, dapat kadaka lang napakakit sa kanda ti kadayawan Panginuun sa tungud Turda Taragbuan.

Bilang 16:19

Ti ginarya ni Kura pag manga nasakupan laban sa kan Muysis ag kan Aarun nagtipun diman ati sa sabian Turda Taragbuan. Bag-u ipinakakit Panginuun kay kadayawan sa buu nasakupan.