Libitiku 8:9 - Hanunuu

⁹ Bag-u ipinasulung niya ti pantaung sa ulu ni Aarun, ag isinab-it sa sarangwan pantaung ti midalya gintu tanda pagtalaga sa kan Aarun para sa Panginuun. Binwat inda tanan ni Muysis angay sa sugu Panginuun.

Libitiku 8:9 Iomraidhean Croise

Pag-ighit 28:4

Inda ti tahiun nida pag manga rutay: ti bursa sa may dubdub, ti ipud, ti kulimpay, ti pansulud pag rutay binurdahan, ti pantaung hanggan ti panhawud. Tahiun nida ti banal pag manga rutay para sa kanmu patar-ari sa kan Aarun ag sa kay manga anak, hampay makasirbi sida sa kangku bilang manughandug.

Pag-ighit 29:6

Ipasulung nimu sa kay ulu ti pantaung, bag-u sab-itan sa atubangan pantaung ti banal pag midalya gintu tanda ipinablag siya para sa Panginuun.

Pag-ighit 40:16

Binuwat ni Muysis ti tanan isinugu Panginuun sa kanya.

Libitiku 8:36

Nakan sinunud ni Aarun hanggan niya manga anak ti tanan isinugu Panginuun sa panab-anan ni Muysis.

Sakaryas 3:5

Ag magkun aku, “Pasulungan diman niyu siya malumpiyu pag pantaung sa ulu.” Nakan pinasulungan ngani nida siya bag-u pag rutay ag malumpiyu pag pantaung habang matindugan ag mabantayan siyun ti anghil Panginuun.