Libitiku 8:6 - Hanunuu

⁶ Dinara niya atag sa karaw-an si Aarun hanggan kay manga anak ag pinarigus niya sida.

Libitiku 8:6 Iomraidhean Croise

Kanta 26:6

Pag-ugasan niku kang kamang hampay ipakakit kuntay unman aku may kasalanan. Ag mag-atag aku sa kanmu harandugan hampay mansamba sa kanmu, Panginuun,

Kanta 51:2

Ugasi aku sa kang kadautan; lumpiyuha aku sa kang manga kasalanan.

Kanta 51:7

Lumpiyuha aku sa kang manga kasalanan hampay bumaliw malumpiyu aku. Ugasi aku hampay bumaliw gid malagti.

Pag-ighit 29:4

“Daran-a nimu sa may sabian Turda Taragbuan si Aarun hanggan kay manga anak lalaki, ag parigsa nimu sida.

Pag-ighit 30:19

Inda ti gamitun ni Aarun hanggan niya manga anak sa pag-ugas manga kamang ag lulud nida,

Pag-ighit 30:20

bag-u sida sumulud sa Turda Tiripnan, ag bag-u sida pumakarani sa harandugan hampay mangayaw sa kangku manga handug sa panab-anan apuy. Kailangan ugasan gid nida kanda manga kamang ag lulud hampay balaw sida mamatay. Kailangan sundun ni Aarun hanggan niya manga anak inda pag surundanun tugka sa sunud pag manga sinulput tawu.”

Pag-ighit 40:12

“Daran-a nimu si Aarun hanggan kay manga anak lalaki sa sabian Turda Taragbuan ag parigsun nimu sida ati.

Isayas 1:16

Lumpiyuha niyu kanyu sadili. Apasi yi niyu kanyu magbuwat kadautan sa kang atubangan.

Isikil 36:25

Widwisikan niku kamu malumpiyu pag danum hampay lumumpiyu kamu sa tanan niyu uring, hanggan balaw yi kamu magsamba sa manga diyus-diyusan.

Libitiku 16:4

Kailangan marigus dap siya bag-u isulung niya kay rutay panmanughandug lunsay linu: kay pansirung pag rutay imaw ti magtakip sa kay kinatawu, kay huragkus, kay pantaung linu, hanggan kay rutay panluwas.

Libitiku 8:5

Taynguna, sinabihan ni Muysis sida kuntay inda kay buwatun angay sa isinugu Panginuun sa kanya.

Sakaryas 13:1

Sinabi Makapangyarihan Panginuun, “Sa ati pag sirang, bukasan ti bulbugan para sa manga linahi ni Dabid ag sa manga mag-ulian sa Hirusalim, hampay lumpiyuhun sida sa kanda manga kasalanan ag kayagtingan. Bul-un niku ti manga diyus-diyusan sa daga Israil ag udyi gid sida maalaala waya. Paighitun niku sa Israil ti magpabalhinguun pag manga purupita hanggan ti daut pag manga ispiritu magsakup sa kanda.

1 Kurintu 6:11

Kaybi ti iba sa kanyu katida diman waydi dapat taynguna inugasan yi kanyu kasalanan, sakup yi kamu sa Diyus dahil sa Ispiritu nita Diyus. Nakilala yi kamu Diyus kuntay manga matadlung dahil sa kapangyarihan Panginuun Hisu-Kiristu hanggan dahil sa Ispiritu nita Diyus.

Ipisu 5:26

hampay kay lumpiyuhun sa danum ag sa Bagaw bag-u ipasakup niya sa Diyus.

Hibriyu 10:22

Nakan ngani pagpakarani kita sa Diyus may buu pag kagustuhan hanggan marig-un pag sarig sa kanya. Danga yi may mag-asaydan daut kanta naisipan, dahil ngani linumpiyu yi kanta tagipusuun sa manga buwat unman may kabuluhan, ag inugasan kanta manga bilug sa malinis pag danum.

Hibriyu 9:10

Dahil tunda pag manga bilin tungkul lang sa manga karan-unun tawu, sa kanda pag-inmun hanggan sa kanda tun-anun sa mag-ugas. Nakan may kahulugan lang pag manga bilin hanggan sa udwaya binag-u Diyus ti tanan pag manga bagay.

Ipinakakit 7:14

Kang sagut magkun, “Tau duy, kawu ngap ti katanda.” Sinabi niya sa kangku magkun, “Sida ti nakalapus sa mahigpit pag unu-unu, linumpiyu nida kanda rutay linagti sa dugu Anak Karanidu.