Libitiku 8:35 - Hanunuu

³⁵ Kailangan siyun lang kamu sirang yabi sa sulud pitu ka sirang, bag-u buwatun gid niyu ti pag-isugu Panginuun hampay balaw kamu mamatay, dahil imaw inda ti pag-isugu Panginuun sa kangku ti buwatun niyu.”

Libitiku 8:35 Iomraidhean Croise

1 Hari 2:3

ag tupada ti manga pag-isugu Panginuun kanmu Diyus. Pagsunud kawu sa kay manga paanyu, ag tupada kay manga surundanun hanggan manga sugu nakasurat sa Kasuguan ni Muysis, hampay manalu kawu sa tanan nimu buwatun, una naan tabug kawu.

Pag-ighit 29:35

“Sunda nimu inda kang pag-isugu sa kanmu tungkul sa pag-intirga sa kan Aarun hanggan sa kay manga anak lalaki. Buwata nimu ti pag-intirga sa kanda sa sulud pitu ka sirang.

Isikil 43:25

“Kada sirang, sa sulud usa ka duminggu, pagsagda kawu usa ka lalaki pag kambing, usa ka tudu baka, usa ka karanidu unman may alangan bilang handug sa paglumpiyu.

Isikil 48:11

Inda pag daga para sa pinili pag manga manughandug, imaw ti manga linahi ni Saduk, matinupadun magsirbi sa kangku ag unman nagpatlikud sa kangku parihu sa binwat iba manga lahi ni Libi nagpaamut sa manga Israilita nagpatlikud sa kangku.

Libitiku 10:1

Ati katpung, si Nadab ag si Abihu kay manga anak ni Aarun nagbuul sida kanya-kanya paulian kamangyan. Pinaulian nida tunda baga apuy hanggan kamangyan ag ihinandug sa Panginuun. Dapat inda kanda binwat balaw gid angay sa sugu Panginuun, dahil kanda ginamit tuhay pag baga apuy balaw dapat nida gamitun.

Libitiku 14:8

Dapat bag-u siya kilalan-un malumpiyu, pipian dapu niya kay rutay, kidkidun niya ti tanan buhuk hanggan bulbul, ag marigus siya. Mahimu yi siya makasulud sa kampu dapat unman siya mahimu umuli sa kay turda sa sulud pitu ka sirang.

Libitiku 8:30

Bag-u nagbuul si Muysis lana ulibu panhaplas hanggan dugu ginan sa harandugan ag winidwisikan niya si Aarun hanggan kay manga anak kaibahan kanda manga rutay. Sa katunda pag paraan pag ihinandug niya sida hanggan kanda manga rutay sa Panginuun.

Libitiku 8:34

Ti Panginuun, ti nagsugu sa kanta hampay buwatun nita inda pag buruwatun taynguna pag sirang, agud malukat kamu ginan sa kanyu manga kasalanan.

Libitiku 8:36

Nakan sinunud ni Aarun hanggan niya manga anak ti tanan isinugu Panginuun sa panab-anan ni Muysis.

Bilang 19:12

Kailangan lumpiyuhun niya kay sadili sa ikatlu ag sa ikapitu pag sirang sa danum paggamitun sa paglumpiyu. Bag-u di kilalan-un siya malumpiyu. Dapat nu unman siya manlumpiyu sa ikatlu ag ikapitu pag sirang, balaw siya kilalan-un malumpiyu.

Bilang 3:7

Mansirbi sida sa kan Aarun ag sa nasakupan Israil sa panab-anan pag-asikasu sa manga buruwatun sa Turda Tiripnan pag-ingarnan diman Turda Taragbuan.

Bilang 9:19

Una magkadugay ti rurum sa babaw Turda, mag-alagad lang sida sa sugu Panginuun balaw sida magginan.

2 Kurintu 7:1

Mahal niku pag manga patar-ari, itinaratu sa kanta inda pag manga kaayadan, nakan paglumpiyuha gid kanta sadili sa tanan kayagtingan nita bilug hanggan naisipan. Pag-ungud kita kanta ugali maggalang sa Diyus, ilubus yi nita ipasakup kanta sadili sa kanya.

Diyuturunumiyu 11:1

“Mahala niyu ti Panginuun niyu Diyus ag tupada kay manga sugu ag surundanun, hanggan palakaw ag kasuguan.

1 Timutiyu 1:18

Inda pag bilin kang pag-ipabahala duy Timutiyu sa kanmu angay sa manga ipinurupita kaybi tungkul sa kanmu, imaw ngani tigpabisug sa kanmu maglaban sa kadautan.

1 Timutiyu 5:21

Sa atubangan Diyus ag ni Kiristu Hisus hanggan sa atubangan niya pinili pag manga anghil, kang pagsuguun kawu hampay tupadun nimu inda pag manga bilin sa unman may pagkampihan sa baliw-baliw, kailangan paghimasii kaayad.

1 Timutiyu 6:13

Sa atubangan Diyus imaw ti gimpuunan tanan magkabuhi ag sa atubangan ni Kiristu Hisus imaw ti nagpatutuu mayad-mayad sa kay pagsarig sa pagdungugan ni Punsiyu Pilatu, kang pagsabihan duy kawu,

1 Timutiyu 6:17

Sabihi nimu ti manga mayaman, danga magpalabaw-labaw. Danga sida magsarig sa kanda kayamanan dahil tunda magkadura di. Bagkus ngap pagsarig sida sa Diyus, imaw ti abunda pag manugpakaun tanan bagay sa ikabaya nita.

1 Timutiyu 6:20

Kawu duy Timutiyu, ingatan nimu ti iinintirga sa kanmu. Iwasan nimu ti manga harampangan unman ikabaya Diyus hanggan ti salalumpangan.

2 Timutiyu 4:1

Aku may pagsabihun gid sa kanmu sa atubangan Diyus ag ni Kiristu Hisus, imaw ti manbalik ag manhari, ag ti pumihu aban sa manga tawu buhi di waya hanggan sa manga namatay yi, nu daut nu mayad.

Hibriyu 7:28

Ti manga tawu binwat pangulu manughandug Balay Diyus angay sa Kasuguan ni Muysis manga tawu may kalumuyan. Dapat angay sa sumpa Diyus, kay binagaw igu naipakaun ti Kasuguan, kay yi gid ngap Anak ti pinili niya pangulu manughandug. Dahil natupad yi niya ti kagustuhan Diyus pumarargu hanggan aban.